ଲାଞ୍ଜିଗଡ : ବିଶ୍ୱରେ କରୋନା ଭାଇରସକୁ ନେଇ ଆତଙ୍କ ସୃଷ୍ଟି ହୋଇଥିବା ବେଳେ କଳାହାଣ୍ଡି ଜିଲା ଲାଞ୍ଜିଗଡ ବ୍ଲକରେ ମଧ୍ୟ ଏହି ବାତାବରଣ ଦେଖାଦେଇଛି। ଅନେକ ଅସହାୟ ପରିବାର ବିକଳାଙ୍ଗ, ବୃଦ୍ଧ, ବୃଦ୍ଧା ଓ ଭିକ୍ଷୁକ ମାନେ ଭାତ ଗଣ୍ଡିଏ ପାଇଁ ଡହଳ ବିକଳ ହେଉଛନ୍ତି। ଏହି ସବୁକୁ ଦୃଷ୍ଟିରେ ରଖି ରାଜ୍ୟ ସରକାର ପଞ୍ଚାୟତ ମାନଙ୍କରେ ଦୁଇଓଳି ଖାଇବା ପାଇଁ ଦେଉଛନ୍ତି। ହେଲେ ଅନେକ ପରିବାର ଏହି ଖାଦ୍ୟରୁ ବଞ୍ଚିତ ହେଉଥିବା ବେଳେ ଏହାକୁ ଦୃଷ୍ଟିରେ ରଖି ଲାଞ୍ଜିଗଡ ଅଞ୍ଚଳର କିଛି ଏସଏସଜି ମହିଳା ଗ୍ରୁପ ଏହି ପରିବାର ମାନଙ୍କୁ ଚାଉଳ,ଡାଲି ଓ ଆବଶ୍ୟକିୟ ସାମଗ୍ରୀ ବଣ୍ଟନ କରିଥିବା ଜଣାପଡିଛି। ଆଜି ଲାଞ୍ଜିଗଡ ସହରର ବଡପଡା ସ୍ଥିତ ୮ଗୋଟି ସ୍ୱଂୟ ସହାୟକ ଗୋଷ୍ଠି ଏହି ସୁଖିଲା ଖାଦ୍ୟ ବଣ୍ଟନ କରିଛନ୍ତି। ବଡପଡାର ପ୍ରିୟଦର୍ଶନୀ ଗ୍ରୁପ,ଓର୍ଶିପ ଗ୍ରୁପ,ବଂଶଧାରା, ଓଁ ସାଇରାମ, ମାଆ ସରସ୍ୱତୀ, ଶିବଶକ୍ତି,ନିଉ ଲାଇଫ୍ ଓ ମାଆ ତୁଳସୀ ସ୍ୱଂୟ ସହାୟକ ଗୋଷ୍ଠିର ମହିଳା ମାନେ ଲାଞ୍ଜିଗଡ ସହରରେ ରହୁଥିବା ସମସ୍ତ ଅସହାୟ ମଷିଳା ଓ ପୁରୁଷ ମାନଙ୍କୁ ସୁଖିଲାଖାଦ୍ୟ ବଣ୍ଟନ ସହ ମାସ୍କ ବଣ୍ଟନ କରିଥିଲେ। ଏହି ବଣ୍ଟନ କାର୍ଯ୍ୟକ୍ରମରେ ବାପୁଜୀ ଯୁବ ସାଂସ୍କୃତିକ ଅନୁଷ୍ଠାନ ସଭାପତି ଶ୍ରୀ ଗିରିଧାରୀ ନାଏକ, ପରମାନନ୍ଦ ନାଏକ, ଖିତ ନାଏକ, ରାଜେଶ ନାଏକ, ବସନ୍ତ ନାଏକ ଓ ଦାସରଥି ତାଣ୍ଡି ପ୍ରମୁଖ ସହଯୋଗ କରିଥିଲେ।
Comments are closed.