ପାଟନା: ଆରଜେଡି ମୁଖ୍ୟ ଲାଲୁ ପ୍ରସାଦ ଯାଦବଙ୍କ ପରିବାର ପ୍ରତି ସମୟ ଭଲରେ ଚାଲୁନାହିଁ। ଲାଲୁ ଆଇନର ଜାଲରେ ଛନ୍ଦିହୋଇ ଜେଲ୍ରେ ବନ୍ଦୀ ଥିବାବେଳେ ଦୁଇ ପୁଅ ତେଜ୍ପ୍ରତାପ ଓ ତେଜସ୍ୱୀଙ୍କ ମଧ୍ୟରେ ସମ୍ପର୍କ ମଧୁର ନ ଥିବାର ଖବର ଆସୁଛି। ଏଭଳି ପରିସ୍ଥିତିରେ ବାହାଘର ଛ’ମାସରେ ପତ୍ନୀ ଐଶ୍ୱର୍ଯ୍ୟା ରାୟଙ୍କୁ ଛାଡ଼ପତ୍ର ଦେବାକୁ ନିଷ୍ପତ୍ତି ନେଇଛନ୍ତି ଆରଜେଡି ମୁଖ୍ୟ ଲାଲୁ ପ୍ରସାଦ ଯାଦବଙ୍କ ବଡ ପୁଅ ତେଜ ପ୍ରତାପ ଯାଦବ। ଏଥିପାଇଁ ତେଜ ପ୍ରତାପ ପାଟନା ସିଭିଲ୍ କୋର୍ଟରେ ଆବେଦନ କରିଛନ୍ତି। ଏପରିକି ତାଙ୍କ ସହ ପାରିବାରିକ ହିଂସା ହୋଇଥିବା ତେଜପ୍ରତାପ ତାଙ୍କ ଆବେଦନ ପତ୍ରରେ ଉଲ୍ଲେଖ କରିଛନ୍ତି। ଛାଡପତ୍ର ଆବେଦନରେ ତେଜ ପ୍ରତାପ ଦର୍ଶାଇଛନ୍ତି ଯେ ପରସ୍ପର ମଧ୍ୟରେ ସୁସଙ୍ଗତି ରହିପାରୁ ନାହିଁ; ତେଣୁ ସେ ଛାଡପତ୍ର ଦେବା ପାଇଁ ଇଚ୍ଛା ପ୍ରକାଶ କରିଛନ୍ତି। ଛାଡପତ୍ର ପାଇଁ ଆବେଦନ କରିବା ପରେ ତେଜପ୍ରତାପ ପିତାଙ୍କୁ ସାକ୍ଷାତ କରିବା ଲାଗି ରାଞ୍ôଚ ଯାଇଥିଲେ। ଗତ ମେ ୧୨ରେ ତେଜ୍ ପ୍ରତାପ ବିହାରର ପୂର୍ବତନ ମୁଖ୍ୟମନ୍ତ୍ରୀ ଦାରୋଗା ପ୍ରସାଦ ରାୟଙ୍କ ନାତୁଣୀ ତଥା ପୂର୍ବତନ ମନ୍ତ୍ରୀ ଚନ୍ଦ୍ରିକା ରାୟଙ୍କ ଝିଅ ଏ୍ୟ÷ଶ୍ୱର୍ଯ୍ୟାଙ୍କୁ ବିବାହ କରିଥିଲେ। ବେଶ ଧୂମଧାମରେ ଏହି ବିବାହ ହୋଇଥିଲା। ବିବାହ ଉତ୍ସବରେ ମୁଖ୍ୟମନ୍ତ୍ରୀ ନୀତୀଶ କୁମାର, ତତ୍କାଳୀନ ରାଜ୍ୟପାଳ ସତ୍ୟପାଲ ମଲିକ, କେନ୍ଦ୍ରମନ୍ତ୍ରୀ ରାମବିଳାଶ ପାଶ୍ୱାନ ପ୍ରମୁଖ ଅତିଥି ଥିଲେ। ବହୁ ରାଜନେତାଙ୍କ ସମେତ ୧୦ହଜାର ଅତିଥିଙ୍କ ପାଇଁ ଶହଶହ ପ୍ରକାର ଖାଦ୍ୟ ପରିବେଷଣ କରାଯାଇଥିଲା।
