ଲାଲଚୌକ ଗ୍ରେନେଡ୍ ଆକ୍ରମଣ ଘଟଣା : ଜୈସ୍-ଇ-ମହମ୍ମଦ ସହ ସଂପର୍କ ଥିବା ୩ ଯୁବକ ଗିରଫ
ଶ୍ରୀନଗର : କାଶ୍ମୀର ଉପତ୍ୟକାର ଶ୍ରୀନଗରସ୍ଥିତ ଜନବହୁଳ ଲାଲଚୌକ ଅଞ୍ଚଳରେ ଗତ ରବିବାର ଦିନ ହୋଇଥିବା ଗ୍ରେନେଡ୍ ଆକ୍ରମଣ ଘଟଣାରେ ପୁଲିସ୍ ତିନି ଜଣଙ୍କୁ ଗିରଫ କରିଛି। ଗତ ୨ ତାରିଖ ଦିନ ହୋଇଥିବା ଏହି ଆକ୍ରମଣରେ କେନ୍ଦ୍ରୀୟ ରିଜର୍ଭ ପୁଲିସ୍ ବାହିନୀର ଦୁଇ ଜଣ ଯବାନ ଏବଂ ୪ ଜଣ ନାଗରିକ ଆହତ ହୋଇଥିଲେ। ଶ୍ରୀନଗର ବରିଷ୍ଠ ପୁଲିସ୍ ଅଧୀକ୍ଷକ ହାସିବ ମୁଗଲ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି, ଜୈସ୍-ଇ-ମହମ୍ମଦ ସନ୍ତ୍ରାସବାଦୀ ସଙ୍ଗଠନ ସହ ସମ୍ପର୍କ ଥିବା ସେହି ତିନିଜଣ ଯୁବକଙ୍କୁ ପୁଲିସ୍ ଗିରଫ କରିଛି। ସେମାନଙ୍କ ପରିଚୟ ଜଣା ପଡିଛି। ସେମାନଙ୍କ ମଧ୍ୟରୁ ସକିଲ୍ ଅହମ୍ମଦ ବନ୍ଦ, ନବିଦ୍-ଉଲ୍ ଲତିଫ୍ ପାଦ୍ରୁ ପୁଲ୍ୱାମା ଅଞ୍ଚଳର ବାସିନ୍ଦା ହୋଇଥିବାବେଳେ ଶାମଶଦ୍ ମଞ୍ଜୁର ସୋପିଆଁ ଜିଲ୍ଲାର ବୋଲି ଚିହ୍ନଟ କରାଯାଇଛି। ସକିଲ୍ ଅହମ୍ମଦ ବନ୍ଦ୍ ପିପୁଲ୍ସ୍ ଡେମୋକ୍ରାଟିକ୍ ଦଳର ପୂର୍ବତନ ନେତା ତଥା ପୁଲ୍ୱାମାରୁ ତିନି ଥର ବିଧାୟକ ହୋଇଥିଲା। ଏବଂ ପିଡିପିରୁ ଇସ୍ତଫା ଦେଇ ଗତବର୍ଷ ନ୍ୟାସନାଲ୍ କନ୍ଫରେନ୍ସରେ ଯୋଗ ଦେଇଥିବା ମହମ୍ମଦ ଖଲିଲ୍ ବନ୍ଦ୍ର ଜଣେ ସମ୍ପର୍କୀୟ। ଜିଲ୍ଲା ଏସ୍ପି କହିଛନ୍ତି, ଗିରଫ ହୋଇଥିବା ତିନି ଜଣ ଛାତ୍ରଙ୍କର ସୀମାନ୍ତ ଅଞ୍ଚଳରେ ସନ୍ତ୍ରାସବାଦୀମାନଙ୍କ ସହ ସମ୍ପର୍କ ଥିଲା।
Comments are closed.