ମହିଳାମାନଙ୍କ ଉତ୍ତମ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଆବଶ୍ୟକ ଏହି ଖାଦ୍ୟଦ୍ରବ୍ୟ

ଅଧିକାଂଶ ମହିଳା ମାନେ ଘର ଓ କାର୍ଯ୍ୟାଳୟ ଉଭୟ ଠାରେ କାର୍ଯ୍ୟ କରିଥାଆନ୍ତି। ଏହାଦ୍ୱାରା ସେ ନିଜର ସ୍ୱାସ୍ଥ୍ୟ ପ୍ରତି ବିଶେଷ ଧ୍ୟାନ ଦେଇପାରି ନଥାଆନ୍ତି। ଫଳରେ ଏହାର କୁପ୍ରଭାବ ସେମାନଙ୍କ ସ୍ୱାସ୍ଥ୍ୟ ଉପରେ ପଡ଼ିଥାଏ। ଶାରିରୀକ ଓ ମାନସିକ ସ୍ଥିତି ଦୁର୍ବଳ ହୋଇଥାଏ, ଶରୀରକୁ ଆବଶ୍ୟକ ପରିମାଣରେ ପୋଷକ ତତ୍ତ୍ୱ ମିଳିପାରି ନଥାଏ। ମାତ୍ର କିଛି ସ୍ୱତନ୍ତ୍ର ଫଳ ଓ ଖାଦ୍ୟପଦାର୍ଥ ରହିଛି, ଯାହାକୁ ଖାଇବା ଦ୍ୱାରା ମହିଳାଙ୍କୁ ଆବଶ୍ୟକ ପରିମାଣରେ ପୋଷକ ତତ୍ତ୍ୱ ମିଳିବାର ସହ ଶରୀର ସୁସ୍ଥ ଓ ନିରୋଗ ରହିଥାଏ। ଜାଣନ୍ତୁ ସେହି ଖାଦ୍ୟପଦାର୍ଥ ବିଷୟରେ ….

ଅଁଳା –
ଅଁଳାରେ ଭିଟାମିନ ସି ଭରପୁର ମାତ୍ରାରେ ଥିବା ସହ ଭିଟାମିନ ଏ, ଓମେଗା ୩,ଫାଇବର ସହ ଅନ୍ୟାନ୍ୟ ପୋଷକ ତତ୍ତ୍ୱ ରହିଛି, ତେଣୁ ମହିଳାଙ୍କ ପାଇଁ ଅଁଳା ଖାଇବା ନିତ୍ୟାନ୍ତ ଆବଶ୍ୟକ। ଏହାକୁ ନିୟମିତ ଖାଇବା ଦ୍ୱାରା ମହିଳାଙ୍କର ଖାଦ୍ୟ ଭଲ ଭାବେ ହଜମ ହୋଇଥାଏ। କୋଷ୍ଠକାଠିନ୍ୟ ସମସ୍ୟା ଦୂର ହୋଇଥାଏ।

ସେଓ –
ସେଓ ସ୍ୱାସ୍ଥ୍ୟ ପାଇଁ ଖୁବ ଉପକାରୀ ଫଳ ଅଟେ। ସେଓରେ ଥିବା ଭିଟାମିନ ଏବଂ ପୋଷକ ତତ୍ତ୍ୱ ମୋଟାପଣ ଦୂର କରିବା ସହ ପେଟ ସହ ସମ୍ବନ୍ଧିତ ସମସ୍ୟା ଦୂର ହୋଇଥାଏ। ନିୟମିତ ସେଓ ଖାଇବା ଦ୍ୱାରା ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇବା ସହ ରକ୍ତର ଅଭାବ ଦୂର ହୋଇଥାଏ।

କ୍ଷୀର –
ବୟସ ବୃଦ୍ଧି ପାଇବା ସହ ମହିଳାଙ୍କ ଶରୀରରେ କ୍ୟାଲସିୟମର ଅଭାବ ହୋଇଥାଏ। ଏହି କାରଣରୁ ତାଙ୍କ ହାଡ଼ ଦୁର୍ବଳ ହୋଇଥାଏ ଓ ହାଲିଆ ମଧ୍ୟ ଅନୁଭୂତ ହୋଇଥାଏ। ତେଣୁ ରାତିରେ ଶୋଇବା ପୂର୍ବରୁ ମହିଳାମାନଙ୍କୁ ଏକ ଗ୍ଲାସ କ୍ଷୀର ପିଇବା ଜରୁରୀ ଅଟେ। କ୍ଷୀରରେ ଥିବା ଭିଟାମିନ ଓ ମିନେରାଲସ ମହିଳାଙ୍କର ଶାରିରୀକ ଓ ମାନସିକ ଅବସ୍ଥା ସୁସ୍ଥ ରହିଥାଏ।

ଅଣ୍ଡା –
ମହିଳାଙ୍କୁ ସପ୍ତାହକୁ ୩ ରୁ ୪ଥର ଅଣ୍ଡା ଖାଇବା ନିତ୍ୟାନ୍ତ ଆବଶ୍ୟକ। ଏଥିରେ ଥିବା ପ୍ରୋଟିନ ଓ କ୍ୟାଲସିୟମ ଶରୀରକୁ ଶକ୍ତି ପ୍ରଦାନ କରିଥାଏ। ଏହା ହାଡ଼ ମଧ୍ୟ ମଜଭୂତ କରିଥାଏ। ଏହା ଶରୀର ପାଇଁ ଖୁବ ହିତକାରକ ଅଟେ।

ଡ଼ାଳିମ୍ବ –
ମହିଳାଙ୍କ ଠାରେ ଆଇରନର ମାତ୍ରା ଖୁବ କମ ଦେଖାଯାଏ। ତେଣୁ ତାଙ୍କୁ ଆଇରନ ଭରପୁର ମାତ୍ରାରେ ଥିବା ଖାଦ୍ୟଦ୍ରବ୍ୟ ଖାଇବା ଉଚିତ। ଡ଼ାଳିମ୍ବରେ ପ୍ରାୟ ୮୪ ଭାଗ ଆଇରନ ରହିଛି। ତେଣୁ ଡ଼ାଳିମ୍ବ ଖାଇବା ନିତ୍ୟାନ୍ତ ଆବଶ୍ୟକ ଅଟେ।