ବଜ୍ରପାତରେ ୩୦ ମୃତ ଓ ୨୭ ଆହତ

ପାଟଣା : ମୌସୁମୀ ବର୍ଷା ପ୍ରଚଣ୍ଡ ଖରାରୁ ଆସ୍ବସ୍ତି ଦେଇଥିବା ବେଳେ କିଛି ଲୋକଙ୍କ ପାଇଁ କାଳ ପାଲଟିଛି । ମୌସୁମୀ ବର୍ଷା ସମୟରେ ବିହାରର ୧୪ଟି ଜିଲାରେ ବଜ୍ରପାତ ଯୋଗୁଁ ବୁଧବାର ୩୦ ଜଣଙ୍କ ମୃତ୍ୟୁ ହୋଇଥିବା ବେଳେ ୨୭ ଜଣ ଆହତ ହୋଇଛନ୍ତି । ​‌ବେଗୁସରାଇ ଏବଂ ଭାଗଲପୁର ଜିଲାରେ ସବୁଠାରୁ ଅଧିକ ଲୋକଙ୍କ ମୃତ୍ୟୁ ହୋଇଛି । ଭାଗଲପୁରରେ ୫ ଜଣ, ବେଗୁସରାଇରେ ୫ ଜଣ, ସହରସାରେ ୩ ଜଣ, ପୂର୍ଣ୍ଣିମାରେ ୩ ଜଣ, ଅରରିୟାରେ ୨ ଜଣ, ଜମୁଇରେ ୨ ଜଣ, କଟିହାରରେ ୨ ଜଣ, ଖଗଡିଆ, ଖଗରିଆ, ମଧେପୁରା, ଦରଭଙ୍ଗା,  ମଧୁବଣୀ, ସିତାମଢି, ମୋତିହାରୀ ଏବଂ ଗୟାରେ ଜଣ ଲେଖାଏଁ ଲୋକ ପ୍ରାଣ ହରାଇଛନ୍ତି । ଏହି ଘଟଣାରେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଶୋକ ପ୍ରକାଶ କରିବା ସହ ମୃତକଙ୍କ ପରିବାରକୁ ୪ଲକ୍ଷ ଟଙ୍କା ଲେଖାଏଁ କ୍ଷତିପୂରଣ ଦେବାକୁ ଘୋଷଣା କରିଛନ୍ତି । ଏହା ପୂର୍ବରୁ ମଙ୍ଗଳବାର ରାଜ୍ୟରେ ୧୧ ଜଣଙ୍କ ମୃତ୍ୟୁ ହୋଇଥିଲା ।

Comments
Loading...