ସାହାରପଡ଼ାରେ ଗଡିଲା କୃଷି ରଥ

ପାଟଣା : କେନ୍ଦୁଝର ଜିଲ୍ଲା ସାହାରପଡ଼ା ବ୍ଲକ କୃଷି ବିଭାଗ ତରଫରୁ କୃଷକ ମାନକୁ ବିଭିନ୍ନ ସୁବିଧା ବିଷୟରେ ଅବଗତ କରିବା ନିମନ୍ତେ କୃଷି ରଥର ଶୁଭାରମ୍ଭ ହୋଇଛି। ଜିଲ୍ଲା ସହକାରୀ କୃଷି ଅଧିକାରୀ ନିକୁଞ୍ଜ ବିହାରୀ ରାଉତ ସଂକଳ୍ପ ପୂଜାରେ ଅବସ୍ଥାନ କରି କୃଷକଙ୍କ ମଙ୍ଗଳ କାମନା କରିଥିଲେ। ସ୍ଥାନୀୟ ବିଡ଼ିଓ ଲମ୍ବୋଦର ଖୁଣ୍ଟିଆ ଫିତା କାଟିବା ସହ ପତାକା ଦେଖାଇ ଏହାର ଶୁଭାରମ୍ଭ କରିଥିଲେ। କୃଷିରଥଟି ବ୍ଲକର ଗାଁ ଗାଁ ବୁଲିବା ସହ ଧାଡି ରୁଆ ପଦ୍ଧତିରେ ଚାଷ ତଥା ଜୈବିକ ସାରର ବ୍ୟବହାର ବିଷୟରେ ଡାକ ବାଜି ଯନ୍ତ୍ର ସାହାଯ୍ୟରେ ଚାଷ କରିବାକୁ ଚାଷୀ ମାନଙ୍କୁ ପରାମର୍ଶ ଦେବ। ଚାଷକୁ ରୋଗ ପୋକ ଦାଉରୁ ରକ୍ଷା ନିମନ୍ତେ ମୃତ୍ତିକା ପରୀକ୍ଷଣ ଏକାନ୍ତ ଆବଶ୍ୟକ ବୋଲି ଚାଷୀ ମାନଙ୍କୁ ଅବଗତ କରାଯାଉଛି। ଚାଷୀ ମାନେ କମ ଖର୍ଚରେ ଅଧୁକ ଅମଳ କିପରି ପାଇବେ ସେନେଇ ମଧ୍ୟ ସୂଚନା ଦିଏ ଯାଉଛି। ପାଲା ମାଧ୍ୟମରେ ବ୍ଲକ୍ ର ବିଭିନ୍ନ ଗାଁରେ ଚାଷୀ ମାନଙ୍କୁ ଆଧୁନିକ ଚାଷ ପଣାଳୀ ବିଷୟରେ ସୂଚନା ଦିଆ ଯାଇଥିଲା। କାର୍ଯ୍ୟକ୍ରମରେ ସ୍ଥାନୀୟ ବ୍ଲକ ଅଧ୍ୟକ୍ଷା ରମ୍ଭାବତୀ ଦେହୁରୀ ସହକାରୀ କୃଷି ଅଧିକାରୀ ପ୍ରଜ୍ଞା ପାରମିତା ଜେନା, ଭାରପ୍ରାପ୍ତ ତହସିଲଦାର ତ୍ରିନାଥ କୁମାର ଦାସ, ଗୋବିନ୍ଦ ମହାନ୍ତି ଯୋଗ ଦେଇଥିଲେ। ବ୍ଲକ କୃଷି କର୍ମଚାରୀ ଦିବାକର ମହାନ୍ତି ବିକ୍ରମ ଖଟୁଆ, ଧରଣୀଧର କିଶନ ରୂପକ କୁମାର ମିଶ୍ର, ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।

Comments
Loading...