ମୁମ୍ବଇ : ୨ୟ ଟେଷ୍ଟରେ ନ୍ୟୁଜିଲାଣ୍ଡକୁ ୩୭୨ ରନ୍ରେ ଭାରତ ପରାସ୍ତ କରିଛି। ଏହି ବିଜୟ ସହ ବିରାଟ କୋହଲି ବିଶ୍ବର ପ୍ରଥମ ଖେଳାଳି ଭାବେ ସମସ୍ତ ପ୍ରକାର (ଫର୍ମାଟ୍)ରେ ୫୦ଟି ଆନ୍ତର୍ଜାତିକ ମ୍ୟାଚ୍ ଜିତିବାର କୃତିତ୍ବ ହାସଲ କରିଛନ୍ତି। ନ୍ୟୁଜିଲାଣ୍ଡ ବିପକ୍ଷ ୨ୟ ଟେଷ୍ଟରେ ବିଜୟ ଖେଳାଳି ଭାବେ କୋହଲିଙ୍କର ୫୦ତମ ଟେଷ୍ଟ ବିଜୟ। ପୂର୍ବରୁ ଦିନିକିଆରେ ଭାରତ ଜିତିଥିବା ୧୫୯ଟି ମ୍ୟାଚ୍ରେ ବିରାଟ କୋହଲି ଦଳର ସଦସ୍ୟ ରହିଛନ୍ତି। ଏହାସହ ଟ୍ବେଣ୍ଟି୨୦ରେ ଭାରତ ଜିତିଥିବା ୫୯ଟି ମ୍ୟାଚ୍ରେ ବିରାଟ କୋହଲି ଦଳର ସଦସ୍ୟ ରହିଛନ୍ତି। ପୁଣି ଅଧିନାୟକ ଭାବେ କୋହଲି ଘରୋଇ ମାଟିରେ କ୍ରମାଗତ ୧୧ଟି ଟେଷ୍ଟ ଶୃଙ୍ଖଳା ଖେଳିଥିବା ବେଳେ ସମସ୍ତ ୧୧ଟି ଶୃଙ୍ଖଳାରେ ବିଜୟୀ ହୋଇଛନ୍ତି। ପୁଣି ନ୍ୟୁଜିଲାଣ୍ଡ ବିପକ୍ଷରେ ଭାରତ ଘରୋଇ ମାଟିରେ କ୍ରମାଗତ ୪ର୍ଥ ଟେଷ୍ଟ ଶୃଙ୍ଖଳା ଜିତିପାରିଛି। ୧୯୮୮ରେ ଶେଷଥର ପାଇଁ ନ୍ୟୁଜିଲାଣ୍ଡ ମୁମ୍ବଇରେ ଘରୋଇ ଭାରତକୁ ଏକ ଟେଷ୍ଟମ୍ୟାଚ୍ରେ ପରାସ୍ତ କରିଥିଲା।
Comments are closed.