କେତେକ ଜାଣିବା କଥା ; ଯାହା ଦ୍ୱାରା ମିଳେ ଅନେକ ଶୁଭଫଳ

ଘରର ଯେକୌଣସି ଦରଜାରେ ସାମ୍ନା ଅଥବା ପଛରେ କ୍ୟାଲେଣ୍ଡର ଲଗାଇବା ଉଚିତ ନୁହେଁ। ଏହାଦ୍ୱାରା ପରିବାରର ସଦସ୍ୟଙ୍କ ଆୟୁ ଉପରେ ଏହାର କୁପ୍ରଭାବ ପଡ଼େ।
ଘରର ଆଖପାଖ ସ୍ଥାନରେ ବୃକ୍ଷ ଲଗାଇଲେ, ଏହା ଖୁବ ଶୁଭ ଫଳ ପ୍ରଦାନ କରିଥାଏ। ପରିବାର ସଦସ୍ୟଙ୍କ ଶରୀର ମଧ୍ୟ ସୁସ୍ଥ ରହିଥାଏ। ଗୃହରେ କାଠ ନିର୍ମିତ ବସ୍ତୁ ବ୍ୟବହାର କରିବା ଉଚିତ। ଏହା ଦ୍ୱାରା ଘରେ ସର୍ବଦା ଆନନ୍ଦର ବାତାବରଣ ରହିଥାଏ ।
ଜୋତା ପିନ୍ଧି ଘର ଭିତରକୁ ପ୍ରବେଶ କରିବା ଉଚିତ ନୁହେଁ। ଏହା ଦ୍ୱାରା ଜୋତା ସହ ଘର ଭିତରକୁ ଦିନଯାକର ସମସ୍ତ ଚିନ୍ତା ଓ ନକରାତ୍ମକ ଶକ୍ତି ମଧ୍ୟ ପ୍ରବେଶ କରିଥାଏ।
ଘରର କୋଣରେ ଶୋଇବା ଘର ହେବା ଆବଶ୍ୟକ। ଶୋଇବା ଘରେ ମାଟିରେ ନିର୍ମିତ ଫୁଲଦାନୀରେ ହଳଦିଆ ରଙ୍ଗର ଫୁଲ ରଖିଲେ , ଏହା ଖୁବ ଶୁଭଫଳ ପ୍ରଦାନ କରିଥାଏ ।
ଝାଡ଼ୁକୁ ସର୍ବଦା ଘରର କୋଣରେ ଲୁଚାଇ ରଖିବା ଆବଶ୍ୟକ।
ପ୍ରତ୍ୟେକ ଦିନ ସକାଳ ଓ ରାତିରେ ଖାଦ୍ୟ ପ୍ରସ୍ତୁତ ହେବା ପରେ ପ୍ରଥମେ ସେହି ଖାଦ୍ୟ ରୋଷେଇ ପ୍ରସ୍ତୁତ ହେଉଥିବା ଗ୍ୟାସ ନିକଟରେ କିମ୍ବା ଚୁଲି ନିକଟରେ କିଛି ସମର୍ପଣ କରନ୍ତୁ। ଏପରି କରିବା ଦ୍ୱାରା ଘରେ ଖାଦ୍ୟର ଅଭାବ ହୋଇନଥାଏ ଓ ସର୍ବଦା ସୁଖଶାନ୍ତି ରହିଥାଏ।
ରୋଷେଇ ଘର ନିକଟରେ ଠାକୁର ଘର ରଖନ୍ତୁ ନାହିଁ। ଏପରି କରିବା ଦ୍ୱାରା ଘରେ ଅଶାନ୍ତିର ବାତାବରଣ ରହିଥାଏ।
ରୋଷଇ ଘରକୁ ସର୍ବଦା ସଫାସୁତୁରା ରଖନ୍ତୁ, ଭଙ୍ଗାରୁଜା ଦ୍ରବ୍ୟ ରୋଷେଇ ଘରେ ରଖନ୍ତୁ ନାହିଁ। ଏପରି କରିବା ଦ୍ୱାରା ସଦସ୍ୟଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହୋଇଥାଏ ଓ ରୋଗଗ୍ରସ୍ତ ରହିଥାଆନ୍ତି।
ରୋଷେଇ ଘର ନିକଟରେ ଗାଧୁଆ ଘର ଆଦୌ ରଖନ୍ତୁ ନାହିଁ। ଏହା ଅଶୁଭ ଅଟେ। ଏପରି ହେବା ଦ୍ୱାରା ଘରେ ନକରାତ୍ମକ ଶକ୍ତିର ପ୍ରଭାବ ରହିଥାଏ।
ଅଗାଧୁଆ ରୋଷେଇ ଘରେ ପ୍ରବେଶ କରନ୍ତୁ ନାହିଁ।
ଘରର ମୁଖ୍ୟ ଦରଜା ସମ୍ମୁଖରେ ମଧ୍ୟ ରୋଷେଇ ଘରେ ରଖନ୍ତୁ ନାହିଁ।
କୌଣସି ପ୍ରକାରର ଔଷଧ ମଧ୍ୟ ରୋଷେଇ ଘରେ ରଖନ୍ତୁ ନାହିଁ।

Comments
Loading...