ପ୍ୟୋଙ୍ଗୟାଙ୍ଗ : ଉତ୍ତରକୋରିଆର ସର୍ବମାନ୍ୟ ନେତା କିମ୍ ଜଙ୍ଗ ଉନ୍ଙ୍କ ମୃତ୍ୟୁ ଘଟିଛି। କିମ୍ଙ୍କ ଉତ୍ତରାଧିକାରୀ ଭାବେ ତାଙ୍କ ଭଉଣୀ କିମ୍ ୟୋ ଜଙ୍ଗ ନିଯୁକ୍ତି ପାଇବାକୁ ଯାଉଥିବା ପ୍ରକାଶ। ଏହା ସତ୍ୟ ହୋଇଥିଲେ ୟୋ ହେବେ ଦେଶର ପ୍ରଥମ ମହିଳା ଶାସକ। ଗତ କିଛି ଦିନ ହେଲା ସର୍ବସାଧାରଣରେ ଦେଖାଯାଉ ନ ଥିବା କିମ୍ କୋମାରେ ଥିବା ନେଇ ରବିବାର ସୂଚନା ମିଳିଥିଲା। ୨୦୧୧ରୁ କ୍ଷମତାରେ ଥିବା ୩୬ ବର୍ଷୀୟ କିମ୍ଙ୍କ ମୃତ୍ୟୁ ନେଇ ଏପ୍ରିଲରେ ଖବର ପ୍ରକାଶ ପାଇଥିଲା; କିନ୍ତୁ କିଛି ଦିନ ଅନ୍ତରରେ ଏକ କାର୍ଯ୍ୟକ୍ରମରେ ତାଙ୍କର ଆବିର୍ଭାବ ଘଟିବା ପରେ ଏ ସମ୍ପର୍କିତ ଆଲୋଚନାର ଅନ୍ତ ଘଟିଥିଲା। ଗତ ମାସରେ ସେ କରୋନା ସଂକ୍ରମିତ ହୋଇଥିବା ନେଇ ମଧ୍ୟ ଚର୍ଚ୍ଚା ହୋଇଥିଲା। କିମ୍ଙ୍କ ଶରୀରର ଓଜନ ଅତ୍ୟଧିକ ଭାବେ ବଢ଼ିଯାଇଛି ଓ ସେ ବିନା ସହାୟତାରେ ଚଲାବୁଲା ଅବସ୍ଥାରେ ନ ଥିବା ପ୍ରକାଶ। ତାଙ୍କର ଉତ୍ତରାଧିକାରୀଙ୍କୁ ଦାୟିତ୍ବ ହସ୍ତାନ୍ତର ପ୍ରକ୍ରିୟା ଚୂଡ଼ାନ୍ତ ନ ହେବା ପର୍ଯ୍ୟନ୍ତ କିମ୍ଙ୍କ ମୃତ୍ୟୁ ସମ୍ପର୍କରେ ଘୋଷଣା କରାଯିବ ନାହିଁ ବୋଲି ସୂଚନା ମିଳିଛି। ଅତୀତରେ କିମ୍ ଜଙ୍ଗ ଇଲ୍ଙ୍କ ମୃତ୍ୟୁକୁ ପ୍ରାୟ ମାସକ ପର୍ଯ୍ୟନ୍ତ ଗୁପ୍ତ ରଖାଯାଇଥିଲା।
Comments are closed.