ଖୁଣ୍ଟା: ମୟୁରଭଞ୍ଜ ଜିଲା ଖୁଣ୍ଟା ବ୍ଲକର ବହନାଡ଼ା ଶାନ୍ତିନିକେତନ ଉଚ୍ଚ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। ଏହିଅବସରରେ ମୁଖ୍ୟ ଅତିଥି ଭାବେ ବିଧାନସଭା ଉପ ବାଚସ୍ପତି ସାନନ୍ଦ ମାରାଣ୍ଡି ଯୋଗ ଦେଇଥିଲେ । କଥା ଗଳ୍ପ ଛଳରେ ଅତିଥିମାନେ ପିଲାମାନଙ୍କ ମଧ୍ୟରେ ଉତ୍ସାହ ଓ ବ୍ୟବହାରିକ ଜ୍ଞାନ ବୃଦ୍ଧି କରିବା ସହ ଶିକ୍ଷାଦାନ ମାଧ୍ୟମରେ ସୁନାଗରିକ ଗଠନ ପାଇଁ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ଆହ୍ୱାନ ଦେଇଥିଲେ । ପ୍ରଧାନ ଶିକ୍ଷକ ଭୁବନେଶ୍ୱର କରଙ୍କ ସଭାପତିତ୍ୱରେ ମୁଖ୍ୟ ବକ୍ତା ଭାବେ ଖୁଣ୍ଟା ବିଇଓ ସୁଦର୍ଶନ ପଣ୍ଡା, ସମ୍ମାନିତ ଅତିଥି ଭାବେ ଖୁଣ୍ଟା ବିଡ଼ିଓ ଦେବଦତ୍ତ ପଣ୍ଡା, ଖୁଣ୍ଟା ବ୍ଲକ ଉପାଧ୍ୟକ୍ଷ ସିଦନାଥ ସୋରେନ, ବହନାଡ଼ା ସରପଞ୍ଚ ଧନେଶ୍ୱର ଟୁଡୁ, ସିଆରସିସି ଶଶିଧର ମହାନ୍ତ,ଏସଏମସି ସଭାପତି କାହ୍ନୁଚରଣ ମୁର୍ମୁ, ଅବସର ପ୍ରାପ୍ତ ବିଇଓ ଚୈତନ୍ୟ ପ୍ରସାଦ ବାରିକ ଯୋଗ ଦେଇଥିଲେ। ଏହି ଅବସରରେ ପ୍ରଧାନ ଶିକ୍ଷକ ଶ୍ରୀ କର ବାର୍ଷିକ ବିବରଣୀ ପାଠ କରିବା ବେଳେ ସ୍କୁଲର ଉପଲବ୍ଧି, ଆବଶ୍ୟକତା ଓ ସମସ୍ୟା ସମ୍ପର୍କରେ ଉପ ବାଚସ୍ପତିଙ୍କ ଦୃଷ୍ଟି ଆକର୍ଷଣ କରିଥିଲେ। ବାର୍ଷିକ କ୍ରୀଡ଼ାରେ କୃତିତ୍ୱ ହାସଲ କରିଥିବା ଛାତ୍ର ଛାତ୍ରୀଙ୍କୁ ଅତିଥିମାନେ ପୁରସ୍କାର ଓ ମାନପତ୍ର ପ୍ରଦାନ କରିଥିଲେ ।
