ପ୍ରବଳ ଲଘୁଚାପ ବର୍ଷାରେ ଘାଗରା ନାଳରେ ଭାସିଗଲା କାର, ଚାଳକ ମୃତ

କେଶଦୁରାପାଳ: ପ୍ରବଳ ଲଘୁଚାପ ବର୍ଷା ରେ ଘାଗରା ନାଳ ରେ ଏକ କାର ଭାସିଯାଇଥିବା ବେଳେ ଚାଳକ ମୃତ ବରଣ କରିଥିବା ଜଣାପଡ଼ିଛି ।

ସୂଚନା ଅନୁଯାୟୀ, କେନ୍ଦୁଝର ଜିଲାରେ ବନ୍ୟା ପରିସ୍ଥିତି ସୃଷ୍ଟି ହୋଇଛି। ବୈତରଣୀ ନଦୀର ଉପର ମୁଣ୍ଡରେ ପ୍ରବଳ ବର୍ଷା ହେବା ଫଳରେ ବନ୍ୟା ଆଶଙ୍କା ଦେଖା ଦେଇଥିବା ବେଳେ ପ୍ରବଳ ବର୍ଷା ଯୋଗୁ ଆନନ୍ଦପୁର ଥାନା ଜଞ୍ଜାଳି ନିକଟ ଘାଗରା ନାଳରେ ଅଧିକ ବନ୍ୟା ଜଳ ପ୍ରବାହିତ ହେଉଥିବା ବେଳେ ଏକ କାର୍ ଭାସିଯାଇଛି। ସେହି କାର୍ ଭିତରେ ୩ ଜଣ ଲୋକ ଥିବା ବେଳେ ଗାଡ଼ିଟି କଟକ ଅଞ୍ଚଳର ବିଶ୍ଵଜିତ ନାମକ ଜଣେ ବ୍ୟକ୍ତିଙ୍କର ବୋଲି ଜଣାପଡିଛି । ଗାଡିର ଚାଳକ ବନ୍ୟା ଜଳରେ ଭାସିଯାଇ ମୃତ୍ୟୁ ବରଣ କରିଥିବା ବେଳେ ଆନନ୍ଦପୁର ଦମକଳ ବାହିନୀ ଉଦ୍ଧାର କରି ଆନନ୍ଦପୁର ଡାକ୍ତରଖାନାକୁ ଆଣିଥିବା ଜଣାପଡ଼ିଛି । ହେଲେ ଅନ୍ୟମାନଙ୍କ ସମ୍ପର୍କରେ କୌଣସି ସୂଚନା ମିଳିନାହିଁ ।

Comments
Loading...