କଣ୍ଟାବାଞ୍ଜି: କଣ୍ଟାବାଞ୍ଜି ପୁଲିସ ଦ୍ୱାରା ସତେଇସ ଜଣ ଦାଦନ ଶ୍ରମିକଙ୍କୁ ଉଦ୍ଧାର କରାଯାଇଛି। ସମସ୍ତ ଦାଦନ ଶ୍ରମିକମାନେ ଧାମନଡ଼ଙ୍ଗା ଗ୍ରାମପଞ୍ଚାୟତର ରଜାମରା ଗାଁର ବୋଲି ଜଣାପଡିଛି। ଗତକାଲି ପୋଲିସ କୋଣସି ସୂତ୍ରରୁ ଖବର ପାଇ ବିଳମ୍ବିତ ରାତ୍ରିରେ ରଜାମରା ଗ୍ରାମରେ ଚାଡାଉ କରି ୧୧ ଜଣ ପୁରୁଷ, ୮ ଜଣ ମହିଳା ଓ ୮ ଜଣ ଛୋଟ ଛୁଆଙ୍କୁ ଉଦ୍ଧାର କରି ଥାନାକୁ ଆଣି ତଦନ୍ତ କରି ପରେ ତାଙ୍କ ନିଜ ନିଜ ଘରେ ଛାଡି ଦେଇଥିବା ଜଣାପଡିଛି। ଦାଦନ ଶ୍ରମିକମାନଙ୍କୁ ବାହାର ରାଜ୍ୟକୁ ଚାଲାଣ କରିବା ପାଇଁ ସଜ ବାଜ କରି ବେଲପଡା ଥାନାର ଦାଦନ ସର୍ଦାର ସୁନ୍ଦର କୁମ୍ଭାର ଗାଡି ସାହାଯ୍ୟରେ କଣ୍ଟାବାଞ୍ଜି ରେଳ ଷ୍ଟେସନକୁ ଆଣୁଥିଲା। ଶ୍ରମିକ ଚାଲାଣ ପାଇଁ କୋଣସି ପ୍ରକାର କାଗଜ ପତ୍ର ପୋଲିସକୁ ଦେଖେଇ ପାରିନଥିବା ବେଳେ ଦୁଇଜଣ ଡ୍ରାଇଭର ଓ ସର୍ଦାର କୁମ୍ଭାରକୁ ଥାନାରେ ଅଟକ ରଖି ପୋଲିସ ପଚରା ଉଚରା ଜାରି ରଖିଥିବା ବେଳେ ଥାନାରେ ଏକ ମାମଲା ରୁଜୁ କରାଯାଇଛି। ଆଜି ସନ୍ଧ୍ୟାରେ ୨ ଜଣ ଇନ୍ଦ୍ର ସୁନା (ମୁରିବାହାଲ ) ଓ ବିମ୍ବାଧର ରଣାଙ୍କୁ ଗିରଫ କରି କୋର୍ଟ ଚାଲାଣ କରିଥିବା ବେଳେ, ସର୍ଦାର ସୁନ୍ଦର କୁମ୍ଭାର ଅସୁସ୍ଥ ହେବାରୁ ବଲାଙ୍ଗୀର ଡାକ୍ତରଖାନାକୁ ପଠାଯାଇଥିବା ତଦନ୍ତକାରି ପୋଲିସ ଅଧିକାରୀ ପି କେ ଦୁରିଆ ସୂଚନା ଦେଇଛନ୍ତି।
Comments are closed.