କଂଟାବାଂଜି : ରାଜ୍ୟ ସରକାରଙ୍କ କୋଭିଡ ସଂକ୍ରମଣ ରୋକିବା ପାଇଁ ସାରା ରାଜ୍ୟରେ ଦୁଇ ଦିନିଆ ଶନିବାର ଓ ରବିବାର ସଟ ଡାଉନ ଘୋଷଣା ଜୁନ ମାସର ୩୦ ତାରିଖ ଯାଏ ଘୋଷଣା କରିଛନ୍ତି। ଏହି ପରିପ୍ରେକ୍ଷିରେ କଂଟାବାଂଜିରେ ମଧ୍ୟ ଦ୍ୱିତୀୟ ସଟ ଡାଉନର ଶନିବାର ଦିନ କଡାକଡି ଭାବେ ପାଳନ କରାଯାଇଛି। ଏପରିକି ସହରର ସମସ୍ତ ଦୋକାନ ବଜାର ବନ୍ଦ ରହିଥିଲା। ଜରୁରୀ କାଳିନ ସେବା ମଧ୍ୟରେ ଔଷଧ ଦୋକାନ,ଜନସ୍ୱାସ୍ଥ୍ୟ ସେବା,ଅଗ୍ନୀଶମସେବା ସଂସ୍ଥା ସହିତ ଡେଲିଭରି ସେବା ଜାରୀ ରହିଛି। ସହରର ମୂଖ୍ୟ ବାଣିଜ୍ୟ କେନ୍ଦ୍ର ଇନ୍ଦିରା ଛକ ନିକଟରେ କଂଟାବାଂଜି ପୁଲିସଦ୍ୱାରା କଡାକଡି ଯାଞ୍ଚ କରାଯାଇ ପାସ ନ ଥିବା ଗାଡି ଏବଂ ଆବଶ୍ୟକ କାମ ନ ଥାଇ ଯାତାୟତ କରୁଥିବା ବ୍ୟକ୍ତିଙ୍କୁ ପୋଲିସ ତାଗିଦ କରି ଫାଇନ ମଧ୍ୟ ଅସୁଲି କରିଛି। ଯାତାୟତ ବେଳେ ମାସ୍କ ପିନ୍ଧି ନ ଥିବା ଗାଡି ଚାଲକ,ବ୍ୟକ୍ତି ଏବଂ ଚାରି ଚକିଆ ଯାନରେ ବସିଥିବା ଯାତ୍ରୀମାନଙ୍କ ସାମାଜିକ ଦୂରତା ନ ଥିଲେ ସେମାନଙ୍କୁଠାରୁ ମଧ୍ୟ ଫାଇନ ଅସୁଲି କରାଯାଇଛି। ଏହି ସଟ ଡାଉନକୁ କଡାକଡିଭାବେ ପାଳନ କରିବା ନେଇ କଂଟାବାଂଜି ପୁଲିସ ଏସ.ଡି.ପି.ଓ. ସରୋଜ କୁମାର ମହାପାତ୍ରଙ୍କ ନେତୃତ୍ୱରେ ଥାନା ଆଇ.ଆଇ.ସି. ସତ୍ୟଜିତ କାଣ୍ଡେଲକର,ଏ.ଏସ.ଆଇ. ପଞ୍ଚାନନ ଖୁଆସ, ଏ.ଏସ.ଆଇ.ଭଗବତ ପ୍ରସାଦ ସାଏ, ଏ.ଏସ.ଆଇ.ଗଂଗାଧର ମଲ୍ଲିକ ସହ ଓ.ଏସ.ଏ.ପି.ବାଟାଲିୟନ ଏକ ପ୍ଲାଟୁନ ଏବଂ ପୁଲିସ କର୍ମଚାରୀ ସହରର ରାଜିବ ଛକ,ଶାସ୍ତ୍ରୀ ଛକ,ଭଜନ ଛକ,ଚୈତନ୍ୟ ପ୍ରଧାନ ଛକ ଏବଂ ସହରର ମୂଖ୍ୟ ଦ୍ୱାର ଚଟୁଅନକା,ତୁରେକେଲା, ବଙ୍ଗୋମୁଣ୍ଡା ଓ ଗୁଡିଘାଟ ରାସ୍ତାକୁ ମଧ୍ୟ ସିଲ କରାଯାଇଛି।
Comments are closed.