ବେଗୁସରାଇରେ କହ୍ନେୟାଙ୍କୁ ବିରୋଧ, ଲାଗିଲା ଦେଶଦ୍ରୋହୀ ମୁର୍ଦାବାଦ ସ୍ଲୋଗାନ

ପାଟନା : ଜେଏନ୍‍ୟୁ ଛାତ୍ର ସଂସଦର ପୂର୍ବତନ ସଭାପତି ତଥା ବିହାର ବେଗୁସରାଇ ଲୋକସଭା ଆସନରୁ ସିପିଆଇ ପ୍ରାର୍ଥୀ କହ୍ନେୟା କୁମାରଙ୍କୁ ନିଜ ନିର୍ବାଚନ ମଣ୍ଡଳୀରେ ବିରୋଧର ସାମ୍ନା କରିବାକୁ ପଡ଼ିଛି। ସେଠାରେ ଲୋକମାନେ କହ୍ନେୟାଙ୍କୁ ବିରୋଧ କରିବା ସହ ଦେଶଦ୍ରୋହୀ ମୁର୍ଦାବାଦର ସ୍ଲୋଗାନ ଦେଇଛନ୍ତି।
ସୂଚନା ଅନୁସାରେ କହ୍ନେୟା କୁମାର ବେଗୁସରାଇର ରାମଦିରି ଗ୍ରାମରେ ନିର୍ବାଚନୀ ପ୍ରଚାର ପାଇଁ ପହଞ୍ଚିଥିଲେ। ସେଠାରେ କିଛି ଲୋକ ତାଙ୍କୁ ଅଟକାଇ ବିଭିନ୍ନ ପ୍ରଶ୍ନ କରିଥିଲେ।
କେଉଁ ପ୍ରକାରର ସ୍ୱାଧୀନତା ଦରକାର ?
ସାଧାରଣବର୍ଗଙ୍କୁ ଆର୍ଥିକ ଆଧାରରେ ସଂରକ୍ଷଣକୁ କାହିଁକି ବିରୋଧ କରୁଥିଲ ?
ଜେଏନୟୁରେ କାହିଁକି ଭାରତ ତେରେ ଟୁକଡେ ହୋଙ୍ଗେ ସ୍ଲୋଗନ ଦେଇଥିଲ ? ଆଦି ବିଭିନ୍ନ ପ୍ରଶ୍ନ ପଚାରିଥିଲେ। କହ୍ନେୟା ଏହାର ଉତ୍ତରରେ ତମେ ବିଜେପି ସମର୍ଥକ ବୋଲି ପ୍ରଶ୍ନ କରିଥିଲେ। ପ୍ରଶ୍ନ କରୁଥିବା ଲୋକ ଜଣକ ନିଜକୁ ନୋଟାର ସମର୍ଥକ ବୋଲି କହିଥିଲେ। ଏହାପରେ ସେଠାରେ ଉପସ୍ଥିତ ଲୋକମାନେ ଦେଶଦ୍ରୋହୀ ମୁର୍ଦବାଦ ସ୍ଲୋଗାନ ଦେଇଥିଲେ। ଏହାର ଏକ ଭିଡ଼ିଓ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି।

Comments
Loading...