ନୂଆଦିଲ୍ଲୀ: ନ୍ୟୁଜିଲାଣ୍ଡ ଅଧିନାୟକ କେନ୍ ୱିଲିୟମସନ ଟିମ୍ ଇଣ୍ଡିଆକୁ ଢେର ପ୍ରଶଂସା କରିଛନ୍ତି। ଭାରତୀୟ ଟିମ ଅଷ୍ଟ୍ରେଲିଆରେ ଘରୋଇ ଦଳକୁ ଟେଷ୍ଟ ସିରିଜରେ ପରାଜିତ ହେବା ପରେ ୱିଲିୟମସନ୍ ଏହାକୁ ଏକ ଉଲ୍ଲେଖନୀୟ ମୁହୂର୍ତ୍ତ ବୋଲି ଦର୍ଶାଇଛନ୍ତି।
ୱିଲିୟମସନ୍ କହିଛନ୍ତି, ଅଷ୍ଟ୍ରେଲିଆ ବିରୋଧରେ ଖେଳିବା ସବୁବେଳେ କଷ୍ଟକର ହୋଇଥାଏ ଏବଂ ସେହି ଦେଶରେ ଘରୋଇ ଟିମ୍ ସହିତ ଖେଳିବା ଏକପ୍ରକାର ଚ୍ୟାଲେଞ୍ଜ ହୋଇଥାଏ। କିନ୍ତୁ ଭାରତର ଅନେକ ଖେଳାଳି ଆହତ ହୋଇଥିବା ସତ୍ବେ ଯେଉଁଭଳି ଦଳ ବିଜୟ ହାସଲ କଲା ତାହା ବାସ୍ତବରେ ଉଲ୍ଲେଖନୀୟ ବିଜୟ।
ସେ କହିଥିଲେ, ଟିମ୍ ଇଣ୍ଡିଆ ଯେଉଁଭଳି ଭାବେ ଚ୍ୟାଲେଞ୍ଜର ସାମ୍ନା କରିଥିଲେ ତାହା ବାସ୍ତବରେ ପ୍ରଶଂସନୀୟ। ଗାବା ଟେଷ୍ଟରେ ଖେଳୁଥିବା ଭାରତୀୟ ବୋଲରମାନଙ୍କର ୭/୮ଟି ମ୍ୟାଚର ଅନୁଭୂତି ଥିବା ସତ୍ବେ ସେମାନେ ଅଷ୍ଟ୍ରେଲୀୟ ଖେଳାଳିଙ୍କୁ ଅଟକାଇବାରେ ସକ୍ଷମ ହୋଇଥିଲେ।