୫ କରୋନା ଯୋଦ୍ଧାଙ୍କ ସମେତ ୪୩ ସଂକ୍ରମିତ ଚିହ୍ନଟ

ଫୁଲବାଣୀ: କନ୍ଧମାଳ ଜିଲ୍ଲାରେ ୨ଜଣ ଡାକ୍ତର ଓ ପୁଲିସ କର୍ମଚାରୀଙ୍କ ସମେତ ୫ଜଣ କରୋନା ଯୋଦ୍ଧା କରୋନାରେ ସଂକ୍ରମିତ ହୋଇଥିବାବେଳେ ଆଜି ଜିଲ୍ଲାରେ ମୋଟ  ୪୩ ସଂକ୍ରମିତ ଚିହ୍ନଟ ହୋଇଛନ୍ତି। ତେବେ ପୂର୍ବପେକ୍ଷା ଜିଲାରେ ସଂକ୍ରମିତ ସଂଖ୍ୟା କମୁଥିବାର ଜଣାଯାଇଛି। ଆଜିର ସଂକ୍ରମିତଙ୍କୁ ମିଶାଇ ଜିଲାରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୪,୮୫୬ ପହଞ୍ଚିଥିବା ବେଳେ ୪,୪୧୫ ଜଣ ସଂକ୍ରମିତ ସୁସ୍ଥ ହୋଇ ଘରକୁ ଫେରିଛନ୍ତି। ଆଜି ଫୁଲବାଣୀ ପୌରାଞ୍ଚଳ ଅନ୍ତର୍ଗତ ଡିଆରଡଏ ଛକ ଅଞ୍ଚଳର ଜଣେ ୭୧ ବର୍ଷର ବ୍ୟକ୍ତିଙ୍କ କରୋନା ସହିତ ଅନ୍ୟ କେତେକ ରୋଗରେ ପିଡ଼ିତ ଥିବା ବେଳେ ଚିକିତ୍ସିତ ଅବସ୍ଥାରେ ତାଙ୍କର ମୃତ୍ୟୁ ଘଟିଥିବା ବେଳେ ଜିଲାରେ ମୋଟ ମୃତ୍ୟୁ ସଂଖ୍ୟାରେ ସରକାରୀ ଭାବେ ୨୪ରେ ପହଞ୍ଚିଛି। ବଳକା ୪୧୭ ଜଣ ସଂକ୍ରମିତ ଜିଲାର ବିଭିନ୍ନ କୋଭିଡ ହସପିଟାଲ୍‍ ସହିତ ଭରବଙ୍କନଶ୍ୱର କୋଭିଡ ମେଡ଼ିକାଲାରେ ଚିକିତ୍ସିତ ହେଉଛନ୍ତି। ଆଜିର ସଂକ୍ରମିତଙ୍କ ମଧ୍ୟରୁ ଫୁଲବାଣୀ ପୌରାଞ୍ଚଳରେ ୮ ଜଣ ଚିହ୍ନଟ ହୋଇଥିବା ବେଳେ ବାଲିଗୁଡା ବ୍ଳକ ଅଞ୍ଚଳରୁ ୨, ଘୁ.ଉଦୟଗିରିର ବିଜ୍ଞାପିତ ଅଞ୍ଚଳ ଏବଂ ଗ୍ରାମାଞ୍ଚଳରୁ ଜଣେ ଲେଖାଏଁ ଚିହ୍ନଟ ହୋଇଛନ୍ତି। ସେହଭଳି କ.ନୁଆଗାଁର ୪ ଜଣ, ଚକାପାଦରେ ୪, ଦାରିଙ୍ଗବାଡିର ୩ ଜଣ, ଖଜୁରିପଡାରେ ୫ ଜଣ, ଫିରିଙ୍ଗିଆ ୫, ରାଇକିଆ ୬, ଟିକାବାଲିର ୩, ତୁମୁଡିବନ୍ଧ ଅଞ୍ଚଳରୁ ଜଣେ ସଂକ୍ରମିତ ଚିହ୍ନଟ ହୋଇଥିବା ନେଇ ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି।

Comments
Loading...