୬ଟି ବ୍ଳକରୁ ୧୧ କରୋନା ସଂକ୍ରମିତ ଚିହ୍ନଟ, କୋଭିଡ଼୍‍ ସ୍ଥିତି ନେଇ ସାଂସଦଙ୍କ ସମୀକ୍ଷା

ଫୁଲବାଣୀ: କନ୍ଧମାଳ ଜିଲାରେ ଆଜି ୬ଟି ବ୍ଳକରୁ ୧୧ ଜଣ ନୂତନ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ବର୍ତ୍ତମାନ ଜିଲାରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୫,୭୨୫ ରେ ପହଞ୍ଚିଥିବା ବେଳେ ୫,୫୭୭ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ୧୧୭ ଜଣ ସଂକ୍ରମିତ ବିଭିନ୍ନ କୋଭିଡ ହସପିଟାଲରେ ରହି ଚିକିତ୍ସିତ ହେଉଛନ୍ତି। ଆଜିର ସଂକ୍ରମିତମାନଙ୍କ ମଧ୍ୟରେ ବାଲିଗୁଡା ଅଂଚଳରେ ୩ ଜଣ ସଂକ୍ରମିତ ଚିହ୍ନଟ ହୋଇଥିବାବେଳେ ଚକାପାଦର ୪ ଜଣ ଓ ଘୁ.ଉଦୟଗିରି, ଖଜୁରିପଡାରେ, ଟିକାବାଲି ଏବଂ କ.ନୁଆଗାଁ ଅଂଚଳର ଜଣେ ଲେଖାଏଁ ଚିହ୍ନଟ ହୋଇଥିବା ବେଳେ ଜିଲ୍ଲା ସଦରମହକୁମା ଫୁଲବାଣୀ ସମେତ ୬ ଟି ବ୍ଳକରେ କୌଣସି ସଂକ୍ରମିତ ନଥିବା ଜଣାପଡିଛି। କରୋନା ସଂକ୍ରମଣ ଲାଗିଥିବାରୁ ଲୋକଙ୍କୁ ଘରୁ ନ ବାହାରିବାକୁ ପ୍ରଶାସନ ତରଫରୁ କୁହାଯାଇଛି।

ଅନ୍ୟପକ୍ଷରେ ଆଜି କନ୍ଧମାଳ ଗସ୍ତରେ ଆସିଥିବା କନ୍ଧମାଳ ସାଂସଦ ଡଃ.ଅଚ୍ୟୁତ ସାମନ୍ତ ଜିଲାପାଳଙ୍କ କାର୍ଯ୍ୟାଳୟ ପରିସରରେ ବର୍ତ୍ତମାନ କନ୍ଧମାଳ ଜିଲାରେ କରୋନା ସ୍ଥିତି ଓ ଏହାକୁ ପ୍ରତିହତ ପାଇଁ ଚାଲିଥିବା ବିିଭିନ୍ନ କାର୍ଯ୍ୟକ୍ରମ ସମ୍ପର୍କରେ ସମୀକ୍ଷା କରିଛନ୍ତି। କନ୍ଧମାଳ ଜିଲାପାଳ ଓ ବାଲିଗୁଡ଼ା ଉପଜିଲାପାଳଙ୍କ ଉପସ୍ଥିତିରେ ଏହି ସମୀକ୍ଷା ହୋଇଥିବା ବେଳେ ଏଥିରେ ଜିଲାର ବର୍ତ୍ତମାନ ଚାଲିଥିବା ବିଭିନ୍ନ ଉନ୍ନୟନମୂଳକ କାର୍ଯ୍ୟ ସଂମ୍ପର୍କରେ ମଧ୍ୟ ସମୀକ୍ଷା କରିଥିଲେ। ଏହି ଅବସରରେ ଜିଲାରେ ଚାଲିଥିବା କରୋନା ଯୁଦ୍ଧରେ ନିଶ୍ଚିଜ ବିୟ ହେବା ଓ ଜିଲାର ଉନ୍ନୟନମୂଳକ କାର୍ଯ୍ୟ ଜାରି ରହିବ ବୋଲି ପ୍ରକାଶ କରିଥିଲେ ସାଂସଦ।

Comments
Loading...