କଲ୍ୟାଣସିଂହପୁର : ରାୟଗଡା ଜିଲ୍ଲା କଲ୍ୟାଣସିଂହପୁରରେ ଥିବା ଓଡ଼ିଶା ଆର୍ଦଶ ବିଦ୍ୟାଳୟ ସଂଗଠନର ପ୍ରତିଷ୍ଠା ଦିବସ ଉପଲକ୍ଷେ ପ୍ରଥମେ ବିଦ୍ୟାଳୟ ସ୍ତରୀୟ ଭାଷଣ ପ୍ରତିଯୋଗିତାରେ ମନୋନୀତ ହୋଇ ଅଦ୍ୱିତ୍ୟା ଦାସ ଜିଲ୍ଲା ସ୍ତରକୁ ମନୋନୀତ ହୋଇଥିଲେ। ଜିଲ୍ଲା ସ୍ତରରେ ମଧ୍ୟ ପ୍ରଥମ ହୋଇ ମଣ୍ଡଳ ସ୍ତରକୁ ମନୋନୀତ ହୋଇଥିଲେ। ହେଲେ ସବୁଠୁ ବଡ଼ ଖୁସିର କଥା କଲ୍ୟାଣସିଂହପୁର ପରି ଆଦିବାସୀ ଅଧ୍ୟୁଷିତ ଉପାନ୍ତ ଇଲାକାରେ ଆଦର୍ଶ ବିଦ୍ୟାଳୟର ଅଷ୍ଟମ ଶ୍ରେଣୀର ଛାତ୍ରୀ ଅଦ୍ୱିତ୍ୟା କୋରାପୁଟ ଜିଲ୍ଲାର ମାଛରା ଆଦର୍ଶ ବିଦ୍ୟାଳୟରେ ହେଉଥିବା ମଣ୍ଡଳ ସ୍ତରୀୟ ପ୍ରତିଯୋଗୀତାରେ ସେ ରାଜ୍ୟ ସ୍ତରକୁ ମନୋନୀତ ହୋଇଛନ୍ତି। ରାଜ୍ୟ ସ୍ତରରେ ରାୟଗଡ଼ାର ନାମ ରଖିଛନ୍ତି। ଆଜି ବିଦ୍ୟାଳୟର ଅଧ୍ୟକ୍ଷ ସଙ୍ଗୀତ ପଲକ ପ୍ରାର୍ଥନା ସଭାରେ ଅଦ୍ୱିତ୍ୟାଙ୍କୁ ଫୁଲତୋଡ଼ା ଦେଇ ଅଭିନନ୍ଦନ ଜଣାଇବା ସହ ରାଜ୍ୟ ସ୍ତରରେ କେମିତି ରାୟଗଡ଼ା ଜିଲ୍ଲାର ନାମ ରଖିପାରିବ ସେ ବିଷୟରେ ସମସ୍ତ ଶିକ୍ଷକ ମାନଙ୍କ ସହ ଆଲୋଚନା କରୁଥିଲେ। ବିଦ୍ୟାଳୟରେ ଖୁସିର ବାତାବରଣ ଖେଳିଯାଇଛି। ରାୟଗଡ଼ା ଜିଲ୍ଲାର ସମସ୍ତ ଆଦର୍ଶ ବିଦ୍ୟାଳୟ ର ଶିକ୍ଷକ ଓ କଲ୍ୟାଣସିଂହପୁର ବ୍ଲକର ବିଭିନ୍ନ ମହଲରୁ ଶୁଭେଚ୍ଛା ର ସୁଅ ଛୁଟୁଛି।
Comments are closed.