ଲଗାଣ ବର୍ଷାରେ ଭୁଶୁଡିଲା ଘରର କାନ୍ଥ

କଲ୍ୟାଣସିଂହପୁର : ଲଗାଣ ବର୍ଷା ହେବା ଯୋଗୁଁ ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ କରପା ପଞ୍ଚାୟତର ପେଟିଲିଗୁଡା ଗାଁର ବିଧବା ଇଲାଇ କାଡ୍ରାକା (୬୦)ଙ୍କ ଘରର କାନ୍ଥ ପଡିଯାଇଛି । ପ୍ରାୟ ତିନିଦିନ ଧରି ଲଗାଣ ବର୍ଷା ହେବା ଯୋଗୁଁ  ମଧ୍ୟ ରାତ୍ରରେ ଘରର ପଶ୍ଚିମ କାନ୍ଥ ପାଣିରେ ଭିଜିବାରୁ ତାହା ଭୁଶୁଡି ପଡିବାରୁ ଘର ଉପରେ ପକାଯାଇଥିବା ଆଜବେଷ୍ଟ ମଧ୍ୟ ଭାଙ୍ଗି ପଡିଯାଇଛି । ଯାହାଫଳରେ ଘରେ ସାଇତି ରଖିଥିବା ଚାଉଳ, ମାଣ୍ଡିଆ, ଅନ୍ୟ ଜିନିଷ ସମସ୍ତ ଘରୋଇ ଜିନିଷ ନଷ୍ଟ ହୋଇଯାଇଛି । କାନ୍ଥ ପଡିଯିବା ଶବ୍ଦ ଶୁଣି ସାହି ପଡିଶା ଉଠି ଦେଖିଥିଲେ । ବିଧବା ଇଲାଇଙ୍କୁ ଉଦ୍ଧାର କରି ନିଜ ଝିଅ  ଜ୍ୱାଇଁ  ମୋନଜ ହିକକାଙ୍କ ଘରେ ଆଶ୍ରୟ ନେଇଛନ୍ତି । ବର୍ତ୍ତମାନ ସରକାରୀ ସହାୟତା ଯୋଗାଇଦେବାକୁ ଦାବି ହେଉଛି । ସେହିପରି ଧାମୁଣିପଙ୍ଗା ପଞ୍ଚାୟତର ପେଡିପଦର ଗାଁର କୃଷ୍ଣ ଚନ୍ଦ୍ର କାଡ୍ରାକାଙ୍କ ଲଗାଣ ବର୍ଷାରେ ଘରର କାନ୍ଥ ପଡିଯାଇଛି । ଯାହାଫଳରେ ଘରର ସମସ୍ତ ଜିନିଷ ପତ୍ର ନଷ୍ଟ ହୋଇଯାଇଛି ।ଏହାକୁ ନେଇ ଗ୍ରାମ ବାସୀ  ରାଜସ୍ୱ ବିଭାଗକୁ ସୁଚନା ଦେଇଥିଲେ ।ରାଜସ୍ୱ ବିଭାଗ ତରଫରୁ ପଲିଥିନ ଯୋଗାଇ ଦେଇଛନ୍ତି ।

Comments are closed.