କଲମପୁର: ଜୁଲାଇ ପହିଲାରୁ ଆରମ୍ଭ ହେଇଛି ବନ ମହୋତ୍ସବ ସପ୍ତାହ । ଏହି ଅବସରରେ ବିଭିନ୍ନ ସ୍ଥାନରେ ବୃକ୍ଷ ରୋପଣ ଓ ଜଙ୍ଗଲ ସୁରକ୍ଷାକୁ ନେଇ ଅନେକ ସଚେତନାତ ସଭା ଓ ଶୋଭାଯାତ୍ରା ଜାରି ରହିଛି । କଲମପୁର ଗ୍ରୀନ୍ ଭେଲି ଏକାଡେମୀ ତରଫରୁ ସୋମବାର ଦାସିଗାଁ ଠାରେ କଳାହାଣ୍ଡି ଜିଲ୍ଲା ଦକ୍ଷିଣ ବନଖଣ୍ଡ ଅନ୍ତର୍ଗତ ଥୁଆମୂଳ ରାମପୁର ବନାଂଚଳ ଅଧିନସ୍ଥ କଲମପୁର ବନପାଳଙ୍କ ସହଯୋଗରେ ଏକ ସଚେତନତା ପଥପ୍ରାନ୍ତ ସଭା ଓ ଶୋଭାଯାତ୍ରା ଆୟୋଜିତ ହେଇଯାଇଛି ।
ପରିବେଶ ପାଇଁ ଜଙ୍ଗଲ ସୃଷ୍ଟି । ସୃଷ୍ଟି ପାଇଁ ଜଙ୍ଗଲ । ଜଙ୍ଗଲ ଖାଦ୍ୟ ଓ ଅମ୍ଳଜାନ ଯୋଗାଉଛି । ଆଉ ଜଙ୍ଗଲ ପାଇଁ ବଦଳୁଛି ଋତୁଚକ୍ର । ବର୍ଷା ପାଇଁ ଜଙ୍ଗଲ ସୃଷ୍ଟିର ନିତାନ୍ତ ଅବଶ୍ୟକ । ଜଙ୍ଗଲ ବିନା ସୁସ୍ଥ ପରିବେଶ ସମ୍ଭବ ନୁହେଁ । ମୂର୍ତ୍ତିକା ସଂରକ୍ଷଣ କରିବାକୁ ହେଲେ ଗଛର ଆବଶ୍ୟକତା ରହିଛି । ସେହିଭଳି ତାପାମାତ୍ରା ନିୟନ୍ତ୍ରଣ କରିବାକୁ ହେଲେ ଜଙ୍ଗଲ ସୃଷ୍ଟିର ଆବଶ୍ୟକତା ରହିଛି । ତେଣୁ ଗଛର ଅନ୍ୟ ନାମ ଜୀବନ । ଏଭଳି ଏକ ବାର୍ତ୍ତା ଦେବାକୁ ଯାଇ କଲମପୁର ଗ୍ରୀନ ଭେଲି ଏକାଡେମୀ ତରଫରୁ ଦାସିଗାଁ ଠାରେ ଛାତ୍ରଛାତ୍ରୀଙ୍କୁ ନେଇ ସଚେତନାତା ଶୋଭାଯାତ୍ରା ସହ ଏକ ସଚେତନତା ପଥପ୍ରାନ୍ତ ସଭାର ଆୟୋଜନ କରାଯାଇଥିଲା ।
ଏକାଡେମୀର ଅଧ୍ୟକ୍ଷ ଏରେମିୟାସ ୱାସଙ୍କ ଅଧ୍ୟକ୍ଷତାରେ ଆୟୋଜିତ ପଥପ୍ରାନ୍ତ ସଚେତନତା ସଭାରେ ସମାଜସେବୀ ଦୀପ୍ତି ନାରାୟଣ ପ୍ରହରାଜ ମୁଖ୍ୟ ଅତିଥି ଭାବେ ଯୋଗଦେଥିଲେ । କଲମପୁର ବନପାଳ ଭୁବନେଶ୍ୱର ବେହେରା, ବରିଷ୍ଟ ପତ୍ରକାର ସୁନ୍ଦର ମୋହନ, ବନରକ୍ଷୀ ଲଳିତ ନାଏକ ଏବଂ ସୁରେନ୍ଦ୍ର ଶବର ପ୍ରମୁଖ ସମ୍ମାନିତ ଅତିଥି ଭାବେ ମଞ୍ଚାସୀନ ହେଇଥିଲେ । ଏ ଅବସରରେ ଛାତ୍ରଛାତ୍ରୀ ମାନଙ୍କ ଦ୍ୱାରା ବନ ସୁରକ୍ଷା ଓ ବୃକ୍ଷ ରୋପଣ ନେଇ ସଚେତନ ଧର୍ମୀ ନାଟକ ମଂଚସ୍ଥ କରାଯାଇଥିଲା ।
Comments are closed.