ଯୁବକଙ୍କୁ କାଚ ବୋତଲରେ ଆକ୍ରମଣ

କଲମପୁର : ଏକ ରାସ୍ତା କାମରେ ନିୟୋଜିତ ହେଇ ଏକ ଟ୍ରାକ୍ଟର ଓ ପାଣି ଟାଙ୍କି ମାଧ୍ୟମରେ ରାସ୍ତାରେ ପାଣି ସିଞ୍ଚନ କରୁଥିବା ବେଳେ ଜନୈକ ଯୁବକ ଦଳବଦ୍ଧ ଯୁବକଙ୍କ ଆକ୍ରମଣର ଶିକାର ହେବା ଘଟଣା ସାଧାରଣରେ ଆଲୋଚନାର ବିଷୟ ପାଲଟିଛି।
ପ୍ରାପ୍ତ ସୁଚନା ଅନୁସାରେ ଧୁଳିଗୁଡା ଗ୍ରାମର ୨୭ ବର୍ଷିୟ ସୁରେଶ ମାଝୀ ପିତା ତେଲି ମାଝୀ ଏକ ଟ୍ରାକ୍ଟରରେ ଡ୍ରାଇଭର ଭାବେ ନିୟୋଜିତ ହୋଇ କିରକିଚା ରାସ୍ତା କାମରେ ପାଣି ଟାଙ୍କି ନେଇ ପାଣି ସିଞ୍ଚନ କରୁଥିଲେ। କର୍ଲାପାଟ ଗ୍ରାମର ସୁକାନ୍ତ ଗୌଡ, ଶୁସାନ୍ତ ଗୌଡ ଓ ବଳରାମ ମାଝୀଙ୍କ ସମେତ ଧୁଳିଗୁଡାର ଅନ୍ୟ କିଛି ଯୁବକ ଦିନ ବେଳା କାହିଁ ପାଣି ସିଞ୍ଚନ କରାଯାଉଥିବା କଥାକୁ ନେଇ ଉଭୟ ପକ୍ଷ ମଧ୍ୟରେ ଯୁକ୍ତିତର୍କ ହେଇଥିଲା। ଶେଷରେ ସଂଘବଦ୍ଧ ଭାବେ ଏକ କାଚ ବୋତଲରେ ସୁରେଶକୁ ଅତର୍କିତ ଆକ୍ରମଣ କରିଥିଲେ। ଏହି ଭଙ୍ଗା ବୋତଲ ମାଡରେ ସୁରେଶର ପିଠି, ହାତ ଓ କହୁଣୀରେ ଆଘାତ ଲାଗିଥିଲା। ସେ ଗୁରୁତର ହେଇ ପଡିବାରୁ ତୁରନ୍ତ ତାକୁ ଉଦ୍ଧାର କରାଯାଇ ଥୁଆମୁଳ ରାମପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତି କରାଯାଇଛି। ଖବର ଲେଖା ହେବା ବେଳକୁ ସୁରେଶର ଅବସ୍ଥା ସ୍ଥିର ରହିଥିଲେ ମଧ୍ୟ ପରିସ୍ଥିତି ସ୍ୱାଭାବିକ ହେଇନାହିଁ। ଏନେଇ ସୁମାତ୍ର ମାଝୀ ଥୁଆମୁଳ ରାମପୁର ଥାନାରେ ତାର ସମ୍ପର୍କୀୟଙ୍କୁ ମରଣାନ୍ତକ ଆକ୍ରମଣ କରିଥିବା ଏନେଇ ଏକ ଏତଲା ଦେଇଛି। ଏହି ଏତଲାକୁ ଭିତି କରି ଥୁଆମୁଳ ରାମପୁର ଭାରପ୍ରାପ୍ତ ଥାନା ଅଧିକାରୀ ଥାନା କେସନଂ ୩୨/୨୦୧୯ରେ ମାମଲା ରୁଜୁ କରିବା ସହ ଭାରତୀୟ ପିଙ୍ଗଳ କୋର୍ଡ ଧାରା ୩୪୧, ୨୯୪, ୩୨୩, ୩୨୪, ୩୦୭୫୦୬, ୩୪ ଆଇ.ପି.ସି ଆର.ଡବ୍ଲ୍ୟୁ ସେକ୍ସନ୩(୧)(ଆର)(ଏସ)୩(୨)(ଭିଏ) ତଫଶିଲଭୁକ୍ତ ଜାତି ଜନ ଜାତି ସୁରକ୍ଷା ଆଇନ ବଳରେ ମାମଲା ରୁଜୁ କରି ଘଟଣାର ତଦନ୍ତ କରାଯାଉଥିବା ଭାରପ୍ରାପ୍ତ ଥାନା ଅଧିକାରୀ ମନୋରଞ୍ଜନ କୁମାର ସୂଚନା ଦେଇଛନ୍ତି। ଅନ୍ୟପଟେ ପିଡିତ ଯୁବକ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସାଧିନ ରହିଛି।

Comments
Loading...