ପ୍ରଶାସନର ଦୃଷ୍ଟି ଆଢୁଆଳରେ ଚାଲିଛି ଶହ ଶହ ଟ୍ରିପ ବାଲି ଚାଲାଣ, ହଜାର ହଜାର ଟଙ୍କା ରାଜସ୍ୱ କ୍ଷତି

କଳାହାଣ୍ଡି:କଳାହାଣ୍ଡି ଜିଲ୍ଲା ଜୟପାଟଣା ଗାଇଧାର ନଦୀରୁ ଜେସିବି ଲଗାଇ ଦିନକୁ ଶହ ଶହ ଟ୍ରିପ ବାଲି ଚାଲାଣ ହେଉଛି କିନ୍ତୁ ବିଭାଗୀୟ ଅଧିକାରୀଙ୍କ ଦୃଷ୍ଟି ପଡୁନି। ଗାଇଧାର ନଦୀରେ ଥିବା କୁଳ ଗୁଡିକ ବିପଦ ସଂକୁଳ ହୋଇଥିବା ବେଳେ ବାଲି ଉଠାଣ ପାଇଁ ସରକାରୀ ହିସାବରେ ଲିଜ ମଧ୍ୟ ଦିଆଯାଇ ନାହିଁ। କିନ୍ତୁ କିପରି ଭାବେ ବେଆଇନ ବାଲି ଉଠାଣ ହେଉଛି ସେ ନେଇ ସଂନ୍ଦେହ ସୃଷ୍ଟି କରୁଛି। ଏଥିଯୋଗୁ ନଦୀରେ ଖାଇ ହୋଇ ଚାଷ ଜମି ଆଡକୁ ପାଣି ମାଡିଗଲେ କିଏ ଦାୟୀ ରହିବେ ବୋଲି ଲୋକେ ଅଭିଯୋଗ କରୁଛନ୍ତି। ସରକାରଙ୍କ ହଜାର ହଜାର ଟଙ୍କା ରାଜସ୍ୱ କ୍ଷତି ହେଉଥିବା ବେଳେ କେତେକ ମୁଷ୍ଟିମେୟ ଲୋକ ପ୍ରଧାନମନ୍ତ୍ରୀ ଆବାସ ନାଁ ରେ ଲକ୍ଷ ଲକ୍ଷ ଟଙ୍କା ରୋଜଗାର କରୁଛନ୍ତି। ରାତି ଦିନ ନଦୀର ଅନେକ ସ୍ଥାନରୁ ବାଲି ଚାଲାଣ ସାଙ୍ଗକୁ ଟ୍ରକର ଯୋଗେ ଖୋଲାଖୋଲି ନେବା ଯଗୁଁ ବାଲି ପବନରେ ଉଡି ଅନେକ ପଥଚାରି ,ବାଇକ ଚାଳକ ନାହିଁ ନଥିବା ଅସୁବିଧାର ସମ୍ମୁଖିନ ହେଉଛନ୍ତି। ଏ ସମ୍ପର୍କରେ ଜୟପାଟଣା ତହସିଲଦାର ଟୁକୁନୁ ପୁଟାଙ୍କୁ ପଚାରିବାରୁ ସେ ଏଥିପ୍ରତି ତୁରନ୍ତ କାର୍ୟ୍ୟାନୁଷ୍ଠାନ ଗ୍ରହଣ କରିବି ବୋଲି କହିଛନ୍ତି।

Comments are closed.