ଦିଲ୍ଲୀ ହାଇକୋର୍ଟରେ ଜୁହି ଚାୱଲାଙ୍କ ଆବେଦନ ଖାରଜ : ଗଣିବେ ୨୦ ଲକ୍ଷ ତଣ୍ଡ

ନୂଆଦିଲ୍ଲୀ : ଦେଶରେ ୫-ଜି ନେଟୱର୍କ ସ୍ଥାପନ ବିରୋଧରେ ଦିଲ୍ଲୀ ହାଇକୋର୍ଟରେ ବଲିଉଡ୍ ଅଭିନେତ୍ରୀ ଜୁହି ଚାୱଲାଙ୍କ ଆବେଦନକୁ କୋର୍ଟ ଖାରଜ କରିଦେଇଛନ୍ତି। ଏଥିପାଇଁ କୋର୍ଟ ଜୁହିଙ୍କୁ ୨୦ ଲକ୍ଷ ଟଙ୍କା ଜରିମାନା ଆଦେଶ ଦେଇଛନ୍ତି। ଆଇନ ପ୍ରକ୍ରିୟାର ଦୁରୁପଯୋଗ ଅଭିଯୋଗରେ ଅଦାଲତ ଜରିମାନା ନିର୍ଦେଶ ଦେଇଛନ୍ତି।

ଭାରତରେ ଖୁବଶୀଘ୍ର ୫-ଜି ଟେକ୍‌ନିକ ଲାଗୁ ହେବାକୁ ଯାଉଛି। ଯହାର କୁପ୍ରଭାବ ପରିବେଶ ସହିତ ଲୋକଙ୍କ ସ୍ବାସ୍ଥ୍ୟ ଉପରେ ପଡ଼ିବ। ଏହାକୁ ନେଇ ଦୀର୍ଘ ସମୟ ହେବ ଜୁହି ଚାୱଲା ୫-ଜି ମୋବାଇଲ ଟାୱାରଗୁଡ଼ିକରୁ ବାହାରିବାକୁ ଥିବା ହାନିକାରକ ରାଡିଏଶନ ବିରୋଧରେ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବାକୁ ଉଦ୍ୟମ ଚଳାଇଛନ୍ତି। ଏବେ ଏହା ବିରୋଧରେ ସେ କୋର୍ଟଙ୍କ ଦ୍ବାରସ୍ଥ ହୋଇଥିଲେ।  ଗତ ୨ ତାରିଖରେ ଏହାର ଅନଲାଇନ ଶୁଣାଣି ହୋଇଥିଲା।

ଜୁହି କହିଥିଲେ, ଆମେ ଅଗ୍ରଣି ଟେକ୍ନୋଲୋଜିକୁ ବିରୋଧ କରୁନାହୁଁ। ଆମେ ଶେଷତମ ଉତ୍ପାଦର ବ୍ୟବହାର କରିବାକୁ ବହୁତ ପସନ୍ଦ କରୁ, ଯାହା ଆମକୁ ଉତ୍ତର ଟେକ୍ନୋଲୋଜି ଦେଇଥାଏ। ୱାୟରଲେସ୍‌ କ୍ଷେତ୍ରରେ ବି। ତେବେ ଆମେ ଚିନ୍ତାରେ ରହୁଛୁ ଯେ ୱୟରମୁକ୍ତ ଉତ୍ପାଦ ଏବଂ ନେଟୱର୍କ ସେଲ୍‌ ଟାୱାର ସହିତ ସମ୍ବନ୍ଧୀୟ ଆମ ନିଜର ଗବେଷଣା ଏବଂ ଅଧ୍ୟୟନରୁ ଭଲ ଭାବେ ଜଣାପଡ଼ୁଛି ଯେ, ଏହିପରି ବିକିରଣ ଲୋକଙ୍କ ସ୍ବାସ୍ଥ୍ୟ ଏବଂ ସେମାନଙ୍କ ସୁରକ୍ଷା ପାଇଁ ଅତ୍ୟନ୍ତ ହାନିକାରକ।

ତେବେ ଆଜି ଚୁଡାନ୍ତ ଶୁଣାଣି ସମୟରେ କୋର୍ଟ ଆଇନ ପ୍ରକ୍ରିୟାର ଦୁରୁପଯୋଗ ଅଭିଯୋଗରେ ଏହି ଆଦେଶ ଦେବା ସହ ଜରିମାନା ଦେବାକୁ ନିର୍ଦେଶ ଦେଇଛନ୍ତି।