ଭାରତରେ ୫ଜି ସମ୍ପ୍ରସାରଣ ବହୁବିଧ କ୍ଷେତ୍ର ପାଇଁ ଉନ୍ନତ ପ୍ରଦର୍ଶନକୁ ଆଗେଇନେବ

ଏନଏକ୍ସପି ସେମିକଣ୍ଡକ୍ଟରସ ସହିତ ହାତ ମିଳାଇଲା ଜିଓ ପ୍ଲାଟଫର୍ମ

ନୂଆଦିଲ୍ଲୀ,୩୦ା୬: ଦେଶରେ ପରିବର୍ଦ୍ଧିତ ୫ଜି ବ୍ୟବହାର ପାଇଁ ଜିଓ ପ୍ଲାଟଫର୍ମ ପ୍ରୟାସ ଆରମ୍ଭ କରିଛି । ସେଥିପାଇଁ କମ୍ପାନୀ ଏନଏକ୍ସପି ସେମିକଣ୍ଡକ୍ଟରସ୍‍ ସହିତ ହାତ ମିଳାଇଛି । ୫ଜି ଏନଆର (ନିୟୁ ରେଡିଓ) ଓ-ଆରଏଏନ୍‍ ସେଲ୍‍ ସମାଧାନ କାର୍ଯ୍ୟକାରୀ କରିବାକୁ ଏହି ସହଭାଗିତା ହୋଇଛି, ଯେଉଁଥିରେ ଏନଏକ୍ସପିର ‘ଲେୟରସ୍କେପ’ ଶ୍ରେଣୀର ମଲ୍‍ଟିକୋର ପ୍ରସେସରଗୁଡିକ ରହିଛି । ଏ ସମ୍ପର୍କରେ ରିଲାଏନ୍ସ ଜିଓ ପକ୍ଷରୁ କୁହାଯାଇଛି ଯେ, ବିଭିନ୍ନ ଯୋଗାଣକାରୀଙ୍କ ନିକଟରୁ ଉତ୍ପାଦସମୂହ ଓ ସଫ୍ଟଓୟାର ସମେତ ଆନ୍ତଃପରିଚାଳନା ଏବଂ ରେଡିଓ ଆକ୍ସେସ ନେଟୱର୍କ ଉପାଦାନଗୁଡିକର ମାନ ନିର୍ଦ୍ଧାରଣକୁ ଶିଳ୍ପ ଭାଷାରେ ଓପନ୍‍ ଆରଏଏନ ଅଥବା ଓପନ୍‍ ରେଡିଓ ଆକ୍ସେସ ନେଟୱର୍କ ବିନ୍ୟାସ ବୋଲି କୁହାଯାଉଛି ।
ଏନଏକ୍ସପି ପକ୍ଷରୁ କୁହାଯାଇଛି, ଏହି ମିଳିତ ସମାଧାନ ବ୍ୟବସ୍ଥା ବହୁବିଧ କ୍ଷେତ୍ର ପାଇଁ ଉନ୍ନତ ପ୍ରଦର୍ଶନକୁ ଆଗେଇନେବ, ସ୍ମାର୍ଟ ସହରସମୂହ, ସ୍ମାର୍ଟ ବାସଗୃହ, ସ୍ୱାସ୍ଥ୍ୟ ଓ ଶିକ୍ଷା ଆଦି କ୍ଷେତ୍ରରେ ନବୀନତମ ଆପ୍ଲିକେସନ ବ୍ୟବହାରକୁ ସମର୍ଥ କରାଇବ । ସବୁଠାରୁ ଉଲ୍ଲେଖଯୋଗ୍ୟ ହେଉଛି ଏହା ସମସ୍ତ ମୋବାଇଲ ବ୍ୟବହାରକାରୀଙ୍କ ପାଇଁ ଡାଟା ଡାଉନଲୋଡ କ୍ଷେତ୍ରରେ ବର୍ଦ୍ଧିତ ଅନୁଭୂତି ଆଣିଦେବ । ତେଣୁ ଜେପିଏଲ୍‍ର ୫ଜି ଏନଆର ରେଡିଓ ସମାଧାନଗୁଡିକ ପରବର୍ତ୍ତୀ ପିଢିର ଆରଏଏନ୍‍ ନେଟୱର୍କଗୁଡିକ ପାଇଁ ସଂପୂର୍ଣ୍ଣ ଉପଯୋଗୀ ସମାଧାନ ହୋଇପାରିଛି, ଯାହା ପରିବର୍ଦ୍ଧିତ ଘର ଭିତରେ ଓ ବାହାରେ ପ୍ରଦର୍ଶନ କରିବା ସହିତ ୫ଜିର ବିବିଧ କ୍ଷେତ୍ରରେ ବ୍ୟବହାରକୁ ସମର୍ଥ କରାଉଛି ।

Comments
Loading...