ମଦ ବିରୋଧି ଆନ୍ଦୋଳନ ପାଇଁ ଜିଲ୍ଲା ମହିଳା କଂଗ୍ରେସର ପ୍ରସ୍ତୁତି

ପାଟଣା: ଜିଲ୍ଲା ମହିଳା କଂଗ୍ରେସ ପକ୍ଷରୁ ଘଟଗାଁ ବ୍ଲକ ଟିକିରା ଗ୍ରାମରେ ମଦ ବିରୋଧି ଆନ୍ଦୋଳନ ପାଇଁ ମହିଳା ସମାବେଶ ଅନୁଷ୍ଠିତ ହୋଇଛି । ବ୍ଲକର ବିଭିନ୍ନ ଗ୍ରାମରେ ମହୁଲି ମଦ, ହାଣ୍ଡିଆ ବିକ୍ରି ହେବା କାରଣରୁ ଘରେ ଘରେ ଏହା ଅଶାନ୍ତିର କାରଣ ହେବା ସହ ଲୋକମାନେ ଅକାଳ ମୃତ୍ୟୁରେ ପଡୁଥିବାରୁ ସଧବାଙ୍କ ମୁଣ୍ଡରୁ ମଧ୍ୟ ସିନ୍ଦୁର ଲିଭିଯାଉଛି । ଗ୍ରାମରେ ଅନେକ ଲୋକଙ୍କୁ ବାର୍ଦ୍ଧକ୍ୟ ଭତ୍ତା, ବିଧବା ଭତ୍ତା ମିଳି ନ ଥିବା ମହିଳା କଂଗ୍ରେସ ପକ୍ଷରୁ ସୂଚନା ଦିଆଯିବା ସହ ଟିକିରା ଗ୍ରାମରେ ପାନୀୟ ଜଳ ସମସ୍ୟାର ସମାଧାନ କରାଯିବାକୁ ସେ ସ୍ବର ଉଠାଇଛନ୍ତି । ଅଂଚଳରୁ ବେଆଇନ ମଦ ହାଣ୍ଡିଆ ବିକ୍ରି ବନ୍ଦ କରିବା ବିରୋଧରେ ମହିଳା କଂଗ୍ରେସ ପକ୍ଷରୁ ଆନ୍ଦୋଳନ କରାଯିବାକୁ ସଭାନେତ୍ରୀ ତଥା ଆଇନଜୀବି ସଂଗୀତା ସିଂହ ଗଣମାଧ୍ୟମକୁ ସୂଚନା ଦେଇଛନ୍ତି । ବୈଠକରେ ଜଂଜାଳି ନାଏକ, ଲଭଲି ନାଏକ, କୋକିଳ ନାଏକ, ଯଶୋଦା ନାଏକ, ସୁକାନ୍ତି ନାଏକ, ମାଳତୀ ଗିରି, ସାବିତ୍ରୀ ନାଏକ, ରଙ୍ଗଲତା ନାଏକ, ଗୋଲାପ ନାଏକ, ସନାତନ ନାଏକ, ସୀତା ନାଏକ, ଛବି ନାଏକ, ହର ନାଏକ ପ୍ରମୁଖ ସାମିଲ ଥିବା ସୂଚନା ଦିଆଯାଇଛି ।

Comments
Loading...