କୋଭିଡ ପ୍ରଭାବିତ ୨୦୨୧ ପରିବାରର ପିଲାଙ୍କ ଶିକ୍ଷାଦାନରେ ସହଯୋଗ କରିବେ କୋଟାର ଶିକ୍ଷକ

ଝାରସୁଗୁଡ଼ା : କରୋନା ମହାମାରୀ ସବୁ ବର୍ଗର ଲୋକଙ୍କୁ ପ୍ରଭାବିତ କରିଛି । ଅନେକ ଶିଶୁ ଓ ଯୁବକ ଯୁବତୀ ନିଜ ଅଭିଭାବକଙ୍କୁ ହରାଇ ଦେଇଥିବା ବେଳେ ଅନେକ ପରିବାର ଭାରି ଆର୍ଥିକ କ୍ଷତିର ଶିକାର ହେଉଛନ୍ତି । ଏମିତିରେ ଯାହାର ସାମର୍ଥ୍ୟ ଅଛି କୌଣସି ନା କୌଣସି ପ୍ରକାରେ କରୋନା ପ୍ରଭାବିତ, କ୍ଷତିଗ୍ରସ୍ତ ପରିବାରକୁ ସହାୟତା କରିବାକୁ ହସ୍ତ ପ୍ରସାରଣ କରୁଛନ୍ତି । ଏମିତିରେ ରାଜସ୍ଥାନର ଶିକ୍ଷା ସହର ଭାବେ ସୁପ୍ରସିଦ୍ଧ କୋଟାର ଜଣେ ବହୁ ପରିଚିତ ଶିକ୍ଷକ ଶଶି ପ୍ରକାଶ ସିଂ ପ୍ରଭାବିତ ଛାତ୍ରଛାତ୍ରୀଙ୍କୁ ସହାୟତା କରିବାକୁ ଆଗେଇ ଆସିଛନ୍ତି ।
କୋଟାର ଅନେକ ପ୍ରସିଦ୍ଧ କୋଚିଂରେ ଗତ ୧୪ବର୍ଷ ହେଲା ରସାୟନ ବିଜ୍ଞାନ ଅଧ୍ୟାପନା କରି ସ୍ବତନ୍ତ୍ର ପରିଚିତି ସୃଷ୍ଟି କରିଥିବା ବେଳେ ଅନ- ଏକାଡେମୀରେ ସେ ବର୍ତ୍ତମାନ ଶୀର୍ଷସ୍ଥାନର ଶିକ୍ଷାବିତ୍ ଅଛନ୍ତି । କରୋନା ପ୍ରଭାବିତ ପିଲାଙ୍କ ପରବର୍ତ୍ତୀ ଅଧ୍ୟୟନରେ ଯେମିତି ଅସୁବିଧା ନ ହୁଏ ସେ ପାଇଁ ୨୦୨୧ କରୋନା ମହାମାରୀ ପ୍ରଭାବିତ ବର୍ଷରେ ୨୦୨୧ ପରିବାରକୁ ସହାୟତା କରିବାକୁ ନିଷ୍ପତ୍ତି ନେଇଛନ୍ତି । ଏଥିପାଇଁ ସେ ତାଙ୍କର ସମସ୍ତ ବ୍ୟକ୍ତିଗତ ସଞ୍ଚୟ ଖର୍ଚ୍ଚ କରିବାକୁ ପ୍ରସ୍ତୁତ ଥିବା ପ୍ରକାଶ କରିଛନ୍ତି । ଶ୍ରୀ ସିଂ ବିଶ୍ୱାସ କରନ୍ତି ଯେ ମଧ୍ୟବିତ୍ତ / ନିମ୍ନ ମଧ୍ୟବିତ୍ତ ପରିବାରର ବ୍ୟକ୍ତି ଶିକ୍ଷା ଉପରେ ହିଁ ସମ୍ପୂର୍ଣ୍ଣ ନିର୍ଭର କରେ । କେବଳ ଶିକ୍ଷା ବଳରେ ହିଁ ଏହି ବର୍ଗ ନିଜ ଓ ପରିବାରର ଭବିଷ୍ୟତକୁ ସୁରକ୍ଷିତ କରିପାରିବେ । ଏମିତିରେ ଅର୍ଥାଭାବ କାରଣରୁ ଯଦି ଛାତ୍ରଛାତ୍ରୀଙ୍କ ଶିକ୍ଷା ପ୍ରଭାବିତ ଏହା କେବଳ ଜଣେ ନୁ​‌େହଁ ବରଂ ଗୋଟିଏ ପୀଢ଼ୀକୁ ପ୍ରଭାବିତ କରିବା ସହ ପରିବାରର ଭବିଷ୍ୟତକୁ ଅନ୍ଧକାର କରିପାରେ ।
ଏଣୁ କେବଳ ଦିନେ ବା ଦୁଇଦିନ ଖାଦ୍ୟ ଯୋଗାଇ ଦେଲେ ସମସ୍ୟାର ସମାଧାନ ହେବ ନାହିଁ । ଏଥିପା​‌ଇଁ ଶ୍ରୀ ସିଂ ସମଗ୍ର ଦେଶର ୨୦୨୧ ପରିବାରର ପୁଅ ଝିଅଙ୍କୁ ଶିକ୍ଷା ପାଇଁ ସହାୟତା କରିବାର ସଂକଳ୍ପ ନେଇଛନ୍ତି । ଏଣୁ ଏଭଳି ଛାତ୍ର ଛାତ୍ରୀ ଯଦି କାହାରି ନଜରରେ ଥାଆନ୍ତି ତା ହେଲେ ମୋବାଇଲ ନମ୍ବର 0୯୭୧୮୧୮୮୩୭୫ ଯୋଗାଯୋଗ କରିବାକୁ ସେ ଗଣମାଧ୍ୟମ ଜରିଆରେ ନିବେଦନ କରିଛନ୍ତି ।

Comments
Loading...