ଏହି ଦେଶରେ ନିର୍ମାଣ ହେଉଛି ବୁର୍ଜ ଖଲିଫାଠାରୁ ଉଚ୍ଚ ଅଟ୍ଟାଳିକା; ଉଚ୍ଚତା ପାଖାପାଖି ହଜାରେ ମିଟର
ସମାଜ ପୋର୍ଟାଲ ଡ଼େସ୍କ : ଆପଣ ନିଶ୍ଚିତ ଭାବେ ବୁର୍ଜ ଖଲିଫାର ନାମ ଶୁଣିଥିବେ। ଯାହା ବିଶ୍ଵର ସବୁଠାରୁ ଉଚ୍ଚ ଅଟ୍ଟାଳିକା ଭାବରେ ବେସ୍ ଜଣାଶୁଣା। ଏହାର ଉଚ୍ଚତା ୮୨୯.୮ ମିଟର ଅର୍ଥାତ୍ ୨ହଜାର ୭୨୨ ଫୁଟ। କିନ୍ତୁ କ’ଣ ଆପଣ ଜାଣନ୍ତି ବିଶ୍ଵର ଆଉ ଏକ ଦେଶ ଅଛି ଯେଉଁଠାରେ ୟୁଏଇର ଦୁବାଇରେ ଥିବା ବୁର୍ଜ ଖଲିଫାଠାରୁ ଏକ ଉଚ୍ଚ ଅଟ୍ଟାଳିକା ନିର୍ମାଣ କରାଯାଉଛି, ଯାହାର ଉଚ୍ଚତା ୩,୨୮୧ ଫୁଟ ଅର୍ଥାତ୍ ପ୍ରାୟ ଏକ କିଲୋମିଟର ହେବ। ଏହି ଭବନର ନାମ ହେଉଛି ’ୟେଦା ଟାୱାର’, ଯାହାକୁ ପୂର୍ବରୁ ’କିଙ୍ଗ୍ ଟାୱାର’ କୁହାଯାଉଥିଲା। ଏହାକୁ ସାଉଦି ଆରବରେ ନିର୍ମାଣ କରାଯାଉଛି। ଏହା ପୂର୍ବରୁ ବିଶ୍ଵାସ କରାଯାଉଥିଲା ଯେ ଏହାର ନିର୍ମାଣ ୨୦୨୨ ସୁଦ୍ଧା ଶେଷ ହେବ, କିନ୍ତୁ ବର୍ତ୍ତମାନ ଏହାର କାର୍ୟ୍ୟ ବନ୍ଦ ହୋଇଯାଇଛି। ଏହା ବ୍ୟତୀତ ସାଉଦି ଆରବ ସହିତ ଜଡିତ ଆହୁରି ଅନେକ କୌତୁହଳପୂର୍ଣ୍ଣ ତଥ୍ୟ ଅଛି, ଯାହା ବିଷୟରେ ଆପଣ କଦାପି ଜାଣି ନଥିବେ।
ଇସଲାମ ଧର୍ମରେ କେବଳ ଦୁଇଟି ସ୍ଥାନ ସବୁଠାରୁ ପବିତ୍ର ବୋଲି ବିବେଚନା କରାଯାଏ। ଗୋଟିଏ ହେଉଛି ମକ୍କା ଏବଂ ଆଉଗୋଟିଏ ହେଉଛି ମେଦିନା। ଏହି ଦୁଇଟି ସ୍ଥାନ ସାଉଦି ଆରବରେ ଅବସ୍ଥିତ। ପ୍ରତିବର୍ଷ ବିଶ୍ଵର ଲକ୍ଷ ଲକ୍ଷ ମୁସଲମାନ ହଜ୍ ତୀର୍ଥଯାତ୍ରାରେ ଏଠାକୁ ଆସନ୍ତି, କିନ୍ତୁ ବିଶେଷ କଥା ହେଉଛି ଅଣ-ମୁସଲମାନମାନଙ୍କୁ ଏଠାରେ ପ୍ରବେଶ କରିବାର ଅନୁମତି ଦିଆଯାଇନଥାଏ।
ଆପଣ ହୁଏତ ଜାଣି ନଥିବେ ଯେ ସାଉଦି ଆରବରେ କୌଣସି ସମ୍ବିଧାନ ନାହିଁ। ଏହି ଦେଶ ଶରିୟା ନିୟମ ଅନୁଯାୟୀ ଚାଲିଥାଏ ଏବଂ ଏଠାରେ ରାଜା ଯାହା କହିଦିଅନ୍ତି ତାହା ସର୍ବମାନ୍ୟ ସ୍ତରରେ ଗ୍ରହଣୀୟ ହୋଇଥାଏ। ଏଠାରେ ଅପରାଧୀଙ୍କୁ ଅତି ଯନ୍ତ୍ରଣାଦାୟକ ଢଙ୍ଗରେ(ବେକକୁ ଖଣ୍ଡା ଦ୍ୱାରା କାଟି) ମୃତ୍ୟୁଦଣ୍ଡ ଦିଆଯାଇଥାଏ।
ସାଉଦି ଆରବ ଏକ ମରୁଭୂମି ଦେଶ, ଯେଉଁ କାରଣରୁ ଏଠାରେ ଗୋଟିଏ ମଧ୍ୟ ନଦୀ ନାହିଁ ଏବଂ ଏହି କାରଣରୁ ଏଠାରେ ପାନୀୟ ଜଳର ମୂଲ୍ୟ ବହୁତ ଅଧିକ। ତେବେ ଏଠାରେ ତେଲର ଅଭାବ ନାହିଁ। ଏଠାରେ ବହୁତ ତେଲ ଜମା ଅଛି, ଯାହା ଏଠିକାର ଲୋକଙ୍କୁ ଧନୀଶାଳୀ କରିବାରେ ସହାୟକ ହୋଇଛି।
ସାଉଦି ଆରବ ଏକ ମରୁଭୂମି ଅଞ୍ଚଳ ହୋଇଥିବାରୁ ଏଠାରେ ଓଟମାନଙ୍କର ବହୁତ ଚାହିଦା ରହିଛି। ଦୁନିଆର ସର୍ବବୃହତ ଓଟ ବଜାର ମଧ୍ୟ ଏହି ଦେଶର ରାଜଧାନୀ ରିୟାଦରେ ଅବସ୍ଥିତ।
ସାଉଦି ଆରବରେ ଯାଦୁକରୀ ସମ୍ପୂର୍ଣ୍ଣ ନିଷେଧ। ଏଠାରେ ଏକ ସ୍ୱତନ୍ତ୍ର ପୋଲିସ୍ ୟୁନିଟ୍ ସୃଷ୍ଟି କରାଯାଇଛି, ଯାହାର କାମ କେବଳ ଯାଦୁଗର କିମ୍ବା ଯାଦୁକରୀ ସହିତ ଜଡିତ ଲୋକଙ୍କୁ ଧରିବା। ଧରା ପଡ଼ିବାପରେ, ଏପରି ବ୍ୟକ୍ତିମାନଙ୍କୁ ସିଧାସଳଖ କାଟି ଦିଆଯାଇଥାଏ।
Comments are closed.