ମନୋରମା ମହାପାତ୍ରଙ୍କ ବିୟୋଗରେ ସମ୍ବଲପୁର ବିଧାୟକ ଜୟନାରାୟଣ ମିଶ୍ରଙ୍କ ଗଭୀର ଶୋକ

ସମ୍ବଲପୁର: ବିଶିଷ୍ଟ ଓଡିଆ ସାହିତ୍ୟିକା ତଥା ଶତବାର୍ଷିକୀ ଦୈନିକ ଖବରକାଗଜ ‘ସମାଜ’ର ପୂର୍ବତନ ସମ୍ପାଦିକା ସମାଜସେବୀ ମନୋରମା ମହାପାତ୍ରଙ୍କ ବିୟୋଗରେ ପୂର୍ବତନ ମନ୍ତ୍ରୀ ତଥା ସମ୍ବଲପୁର ବିଧାୟକ ଜୟନାରାୟଣ ମିଶ୍ର ଗଭୀର ଶୋକ ପ୍ରକାଶ କରିଛନ୍ତି। ବିଧାୟକ ମିଶ୍ର ତାଙ୍କର ଶୋକବାର୍ତ୍ତାରେ କହିଛନ୍ତି ଯେ ମନୋରମା ମହାପାତ୍ରଙ୍କ ବିୟୋଗ ଖବର ଶୁଣି ମୁଁ ଅତ୍ୟନ୍ତ ଦୁଃଖିତ ଓ ମର୍ମାହତ। ଓଡିଆ ସାହିତ୍ୟକୁ ରୁଦ୍ଧିମନ୍ତ କରିବାରେ ତାଙ୍କର ଯୋଗଦାନକୁ ଶବ୍ଦ ମାଧ୍ୟମରେ ବର୍ଣ୍ଣନା କରିବା ସମ୍ଭବପର ନୁହେଁ। ଅନେକ ସମ୍ମାନର ଅଧିକାରିଣୀ ତଥା ଏକାଧାରରେ ଜଣେ ଅଧ୍ୟାପିକା, ସାହିତ୍ୟିକା, ସାମ୍ବାଦିକା ଏବଂ ଓଜସ୍ୱିନୀ ବକ୍ତା ସ୍ୱର୍ଗତା ମହାପାତ୍ର ସୁଖ୍ୟାତି ଅର୍ଜନ କରିଥିଲେ। ସମାଜର ପୂର୍ବତନ ସମ୍ପାଦିକ ଭାବରେ ସେ ଓଡିଶାର ବିକାଶ, ବିଭିନ୍ନ ସାମାଜିକ ସମସ୍ୟା, ନାରୀ ସଶକ୍ତିକରଣ ଓ ଅଧିକାର ଉପରେ କରି ଯାଇଥିବା କାର୍ଯ୍ୟ ଚିରସ୍ମରଣୀୟ ହୋଇ ରହିବ। ଦିବଙ୍ଗତ ଅମର ଆତ୍ମାର ସଦଗତି କାମନା କରିବା ସହିତ ଶୋକସନ୍ତପ ପରିବାରବର୍ଗଙ୍କୁ ଗଭୀର ସମବେଦନା ବିଧାୟକ ଜୟନାରାୟଣ ମିଶ୍ର ଜଣାଇଛନ୍ତି।

Comments are closed.