ଯଶୁଆପୁର ମହୋତ୍ସବରେ ସମ୍ମାନିତ ହେଲେ ସମାଜସେବୀ

ଭୁବନେଶ୍ୱର : ସାଂସ୍କୃତିକ ମହୋତ୍ସବ ଭଳି କାର୍ଯ୍ୟକ୍ରମ କେବଳ ଜିଲା ସ୍ତରରେ ନୁହେଁ ବରଂ ବ୍ଲକ ସ୍ତରରେ ମଧ୍ୟ ଆୟୋଜିତ ହେବା ଉଚିତ୍। ସଂସ୍କୃତି ସମାଜକୁ ଗୋଟିଏ ସୁତାରେ ବାନ୍ଧି ରଖିଥାଏ। ଏହା ପାରସ୍ପରିକ ଏକତା ଏବଂ ଅଖଣ୍ଡତାକୁ ମଜବୁତ କରେ । ଯଶୁଆପୁର ମହୋତ୍ସବରେ ସମ୍ମାନିତ ଅତିଥି ଭାବେ ଯୋଗଦେଇ ଏହା କହିଛନ୍ତି ରାଜ୍ୟ ପର୍ଯ୍ୟଟନ ଏବଂ ସଂସ୍କୃତି ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ।

ଶ୍ରୀ ପାଣିଗ୍ରାହୀ କହିଛନ୍ତି ଯେ, ଲୁପ୍ତ ହୋଇଯାଉଥିବା କଳାକୁ କେବଳ ସାଂସ୍କୃତିକ ମହୋତ୍ସବ ମାଧ୍ୟମରେ ଲୋକଙ୍କ ନିକଟକୁ ଅଣାଯାଇପାରିବ। ସେମାନଙ୍କୁ ପ୍ରୋତ୍ସାହିତ କରିବା ପାଇଁ କଳାକାର ଏବଂ ସେହି କ୍ଷେତ୍ରରେ କାର୍ଯ୍ୟ କରୁଥିବା ଲୋକଙ୍କୁ ସମ୍ମାନିତ କରାଯିବା ଉଚିତ୍।

ସେହିଭଳି ଆଇନ ସେବା କ୍ଷେତ୍ରରେ କାର୍ଯ୍ୟ କରୁଥିବା ବିକାଶ ଦାସ ବିଶିଷ୍ଟ ଅତିଥି ଭାବେ ଯୋଗଦେଇ କହିଛନ୍ତି ଯେ, ସମାଜରେ ସାଂସ୍କୃତିକ ପରମ୍ପରା କେବେ ଭାଙ୍ଗିବା ଉଚିତ ନୁହେଁ। ଏହା ହେଉଛି ଆମ ଦେଶ ଏବଂ ସମାଜର ବିଶେଷତ୍ବ, ଯାହା ସାଂସ୍କୃତିକ ବିବିଧତା ମଧ୍ୟରେ ଏକତାର ପ୍ରତୀକ। ସ୍ଥାନୀୟ ବିଧାୟକ ଅରବିନ୍ଦ ଢାଲି ମଧ୍ୟ ସାଂସ୍କୃତିକ କାର୍ଯ୍ୟକ୍ରମର ଆବଶ୍ୟକତା ଉପରେ ଗୁରୁତ୍ୱାରୋପ କରିଛନ୍ତି। ବିଭିନ୍ନ କ୍ଷେତ୍ରରେ ବିଶେଷ ଅବଦାନ ଥିବା ଶିକ୍ଷାବିତ୍ ପ୍ରମୋଦ ପାଣିଗ୍ରାହୀ, ପ୍ରକୃତି ମିତ୍ର ଦିନବନ୍ଧୁ ଭୋଇ, ସାମାଜିକ କର୍ମୀ ସୁରେଶ୍ୱରୀ ଜେନା, ସାମ୍ବାଦିକ ଦିଲୀପ ଓଝାଙ୍କ ସମେତ ବିଭିନ୍ନ କ୍ଷେତ୍ରରେ ବିଶେଷ ଅବଦାନ ଥିବା ବ୍ୟକ୍ତି ବିଶେଷଙ୍କୁ ଏହି ଉତ୍ସବରେ ପୁରସ୍କୃତ କରାଯାଇଥିଲା। ଏହି ସମ୍ମାନ ସଂସ୍କୃତି ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ ପ୍ରଦାନ କରିଥିଲେ।

Comments
Loading...