ସମ୍ବଲପୁର : ଆସନ୍ତା ଜାନୁଆରି ୩ ତାରିଖରୁ ମାଁ ସମଲେଶ୍ବରୀ ମନ୍ଦିର ସମେତ ସମ୍ବଲପୁରର ସମସ୍ତ ଧର୍ମାନୁଷ୍ଠାନ ଖୋଲିବା ପାଇଁ ସମ୍ବଲପୁର ଜିଲା ପ୍ରଶାସନ ନିଷ୍ପତ୍ତି ନେଇଛି। ଜିଲାପାଳଙ୍କ କାର୍ଯ୍ୟଳୟରେ ଜିଲାପାଲ ଶୁଭମ ସାକ୍ସସେନା, ମହାନଗର ନିଗମ କମିସନର ଅନିରୁଦ୍ଧ ପ୍ରଧାନ ଏବଂ ମନ୍ଦିର କମିଟିର ସଦସ୍ୟମାନେ ମା’ ସାମଲେଶ୍ୱରୀ ମନ୍ଦିର ସମେତ ଧାର୍ମିକ ଅନୁଷ୍ଠାନଗୁଡିକୁ ଖୋଲିବାକୁ ଆନୁଷ୍ଠାନିକ ଭାବେ ସହମତ ହୋଇଛନ୍ତି। କୋଭିଡ ନିୟମକୁ କଡାକଡି ଭାବରେ ପାଳନ ସହ ଧର୍ମାନୁଷ୍ଠାନ ଖୋଲିବାକୁ ନିଷ୍ପତ୍ତି ହୋଇଛି। ତେବେ କୋଭିଡ କଟକଣାର ଉଲ୍ଲଂଘନ ହେଲେ ସଂପୃକ୍ତ ଧର୍ମାନୁଷ୍ଠାନ ପରିଚାଳନା ଦାୟିତ୍ବରେ ଥିବା ବ୍ୟକ୍ତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ ବୋଲି କୁହାଯାଇଛି। ଜିଲା ପ୍ରଶାସନର ସୂତ୍ରରୁ ପ୍ରକାଶ ଯେ, କୋଭିଡ ନିୟମ ପାଳନ କରିବା ପାଇଁ ଏକ ବିସ୍ତୃତ ଗାଇଡଲାଇନ୍ ଖୁବଶୀଘ୍ର ପ୍ରସ୍ତୁତ କରାଯିବ।
Comments are closed.