ସୁରକ୍ଷା ବାହିନୀକୁ ବଡ଼ ସଫଳତା, ଦୁଇ ଆତଙ୍କବାଦୀ ଗିରଫ, ଅସ୍ତ୍ରଶସ୍ତ୍ର ଏବଂ ଆଇଇଡି ଜବତ

ଶ୍ରୀନଗର :  ଜାମ୍ମୁ କାଶ୍ମୀରରେ ସୁରକ୍ଷା ବାହିନୀ ବଡ଼ ସଫଳତା ହାସଲ କରିଛି। ଦୁଇ ଆତଙ୍କବାଦୀ ଗିରଫ ହେବା ସହ ସେମନେଙ୍କଠାରୁ ଅସ୍ତ୍ରଶସ୍ତ୍ର ଏବଂ ଆଇଇଡି ବାକ୍ସ ଜବତ ହୋଇଛି।

କୁଲଗାମର ଜବାହର ଟନେଲ ନିକଟରେ ସୁରକ୍ଷା କର୍ମୀମାନେ ଟ୍ରକ ଯୋଗେ କାଶ୍ମୀର ଯାଉଥିବା ଦୁଇ ଜଣ ଆତଙ୍କବାଦୀଙ୍କୁ ମଙ୍ଗଳବାର ସନ୍ଧ୍ୟାରେ ଗିରଫ କରିଥିଲେ। ସେମାନଙ୍କଠାରୁ ଦୁଇଟି ଏକେ- ୪୭ ରାଇଫଲ, ଆଇଇଡି ଭର୍ତ୍ତି ବାକ୍ସ ଜବତ କରାଯାଇଛି | ସୁରକ୍ଷା ସଂସ୍ଥାର କର୍ମଚାରୀ  ସେମାନଙ୍କୁ ପଚରାଉଚରା କରୁଛନ୍ତି।

ସଠିକ୍ ସୂଚନା ଆଧାରରେ ସୁରକ୍ଷା ବାହିନୀ ଜାମ୍ମୁରୁ ଶ୍ରୀନଗର ଯାଉଥିବା ଟ୍ରକକୁ ଜବାହର ଟନେଲ ନିକଟରେ ଅଟକାଇଥିଲା।
ତଲାସୀ ସମୟରେ ଦୁଇ ଆତଙ୍କବାଦୀ ଧରାପଡିଥିଲେ। ଦୁଇଟି ମାଗାଜିନ ସହିତ ଏକ ଏକେ- ୪୭ ରାଇଫଲ, , ତିନୋଟି ମାଗାଜିନ ସହିତ ଏମ-୪ ୟୁଏସ କାର୍ବାଇନ୍, ୧୨ ଟି ମାଗାଜିନ୍ ସହିତ ୬ ଟି ଚାଇନିଜ୍ ପିସ୍ତଲ ଏବଂଆଇଇଡିରେ ଭର୍ତ୍ତି ଏକ ବାକ୍ସ ଉଦ୍ଧାର କରାଯାଇଛି।
ସୁରକ୍ଷା ସଂସ୍ଥାର କର୍ମଚାରୀ ସେମାନଙ୍କୁ ପଚରାଉଚରା କରୁଛନ୍ତି ଏବଂ ସେମାନେ କେଉଁଠାରୁ ଆସିଛନ୍ତି ଏବଂ ଅସ୍ତ୍ରଶସ୍ତ୍ର କିପରି ସେମାନଙ୍କ ନିକଟରେ ପହଞ୍ଚିଛି ଜାଣିବାକୁ ଚେଷ୍ଟା କରୁଛି। ତେବେ ପୁଲିସ ସୂତ୍ରରୁ ପ୍ରକାଶ ଯେ ଗିରଫ ହୋଇଥିବା ଦୁଇ ଆତଙ୍କବାଦୀ ସ୍ଥାନୀୟ ଲୋକ। ସେମାନେ ଶୋପିଆନ୍ ଜିଲ୍ଲାର ଛୋଟିପୋରାର ବିଲାଲ ଅହମ୍ମଦ କୁଟେ ଏବଂ ଶାହନାୱାଜ ଅହମ୍ମଦ ମୀର ବୋଲି ଜଣାପଡିଛି।

Comments are closed.