ଆରପାରିରେ ‘ନିଦ ଭରା ରାତି…’ର ସଂଗୀତ ନିର୍ଦ୍ଦେଶକ ଜଲାଲ ଆଦେନି

ଓଲିଉଡ଼ର ବରିଷ୍ଠ ସଙ୍ଗୀତ ନିର୍ଦେଶକ ଜଲାଲ ଆଦେନି ଆଉ ନାହାନ୍ତି। ମୃତ୍ୟ ବେଳକୁ ତାଙ୍କୁ ୮୫ ବର୍ଷ ହୋଇଥିଲା। ଦୀର୍ଘ ଦିନ ଧରି ଅସୁସ୍ଥ ଥିଲେ। ଆଜି ସକାଳେ କଟକ ବକ୍ସିବଜାର ବାସଭବନରେ ହୃଦଘାତରେ ତାଙ୍କର ପରଲୋକ ଘଟିଛି। ବହୁ ଓଡ଼ିଆ ଓ ବଲିଉଡ ଚଳଚ୍ଚିତ୍ରରେ ସେ ସଙ୍ଗୀତ ନିର୍ଦେଶନା ଦେଇଥିଲେ।

ଓଡ଼ିଆ ଚଳଚ୍ଚିତ୍ର ‘ଅନୁତାପ’ରେ ସେ ସଂଗୀତ ନିର୍ଦ୍ଦେଶନା ଦେବା ପରେ ଲୋକପ୍ରିୟତାର ଶୀର୍ଷରେ ପହଂଚି ଥିଲେ। ନିଦ ଭରା ରାତି…ଥିଲା ତାଙ୍କର ଅନନ୍ୟ କୃତି। ୧୯୭୬ରେ ସେ ଓଡ଼ିଆ ଚଳଚ୍ଚିତ୍ର ‘ହୀରା ମୋତି ମାଣିକ’ ଚଳଚ୍ଚିତ୍ରର ନିର୍ଦ୍ଦେଶନା ମଧ୍ୟ ଦେଇଥିଲେ। ତାଙ୍କ ପରଲୋକରେ ଓଡ଼ିଆ ଚଳଚ୍ଚିତ୍ର ଜଗତରେ ଶୋକର ଛାୟା ଖେଳିଯାଇଛି।

Comments are closed.