ଯୁବତୀଙ୍କ ଉପରେ ମାଡ଼ିଗଲା ଟ୍ରକ

ଯାଜପୁର: ଯାଜପୁର ଜିଲା ସଦର ଥାନା ଅନ୍ତର୍ଗତ କେତକିଆ ଛକ ନିକଟରେ ଶୁକ୍ରବାର ସକାଳେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଟ୍ରକ‌ ଚଢ଼ିଯିବାରୁ ସକାଳ ବୁଲାରେ ଯାଉଥିବା ଜଣେ ଯୁବତୀଙ୍କର ମୃତ୍ୟୁ ଘଟିଛି। ମୃତ ଯୁବତୀଜଣକ ହେଉଛନ୍ତି ବର୍ଷାରାଣୀ ଜେନା।

ସୂଚନା ଅନୁଯାୟୀ, ବର୍ଷାରାଣୀ ବାନ୍ଧବୀମାନଙ୍କ ସହ ସେ ସକାଳ ବୁଲାରେ ଯାଉଥିଲେ। ଏହି ସମୟରେ ‘ଚିପ୍‌ସ୍‌’ ନେଇ ଆସୁଥିବା ‘ଓଆର୍‌-୦୪ଏଚ୍‌-୭୨୭୪’ ନମ୍ବରଧାରୀ ଏକ ଟ୍ରକ୍‌ ପଛପଟୁ ଧକ୍କା ଦେଇ ତାଙ୍କ ଉପରେ ଚଢ଼ିଯାଇଥିଲା। ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ଘଟିଛି। ଦୁର୍ଘଟଣା ଘଟାଇଥିବା ଟ୍ରକର ଡ୍ରାଇଭର ଓ ହେଲ‌ପର ଦୁର୍ଘଟଣା ସ୍ଥଳରୁ‌ ଫେରାର ହୋଇଯାଇଛନ୍ତି। ଦୁର୍ଘଟଣାସ୍ଥଳରେ ଉତ୍ତେଜିତ ଲୋକେ ରାସ୍ତାରୋକ କରିଛନ୍ତି। ସଦର ପୁଲିସ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାଶୁଝା କରିଥିବା ଜଣାପଡ଼ିଛି।

Comments
Loading...