ଭୂବନେଶ୍ୱର: ଗଞ୍ଜାମ ଜିଲାର ଜଗନ୍ନାଥ ପ୍ରସାଦ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଅକ୍ଟୋବର ୫ ତାରିଖ ସକାଳେ ଏକ ପ୍ରଥମ ବିରଳ ଶିଶୁ ପୁତ୍ର ଜନ୍ମ ହୋଇଛି। ଏନି ନବଜାତକ ଶିଶୁର ବାପାଙ୍କ ନାମ ପର୍ଶୁରାମ ବିଷୋୟୀ ଓ ଘର ଗଞ୍ଜାମ ଜିଲା ଅନ୍ତର୍ଗତ ଚିକିଟି ପାତ୍ରପୁର ଅଞ୍ଚଳରେ ହୋଇଥିବାବେଳେ ତାଙ୍କ ମା’ଙ୍କ ଗ୍ରାମ ଛାମୁଣ୍ଡାରେ ବୋଲି ଜଣାପଡ଼ିଛି। ଏ ସମ୍ପର୍କରେ ଡାକ୍ତର ଶ୍ରୀତମ ସୌରଭ ସାହୁ କହିଛନ୍ତି ଯେ ଜଗନ୍ନାଥ ପ୍ରସାଦ ସ୍ୱାସ୍ଥ୍ୟ କେନ୍ଦ୍ରରେ ଏକ ବିରଳ ଶିଶୁପୁତ୍ର ଜନ୍ମ ହୋଇଛି। ଶିଶୁଟିର ସାରା ଦେହ ଫାଟି ଥିବା ବେଳେ ଦୁଇ ଆଖି ଲାଲ୍ ରଙ୍ଗ ପରି ପିଣ୍ଡୁଳା ଆକୃତିର ହୋଇଛି। ଯାହା ଏକ ବଂଶଗତ ରୋଗ। ଶିଶୁଟି ଜନ୍ମ ହେବା ପରେ ତାର ତୁରନ୍ତ ଚିକିତ୍ସା ଜରୁରୀ। ତେଣୁ ବଂଶଗତ ରୋଗରେ ଆକ୍ରାନ୍ତ ଶିଶୁଟି ଜନ୍ମ ହେବା ପରେ ଉଭୟ ମା’ ଓ ନବଜାତକ ଶିଶୁକୁ ବ୍ରହ୍ମପୁର ବଡ ମେଡିକାଲକୁ ରେଫର କରିଛନ୍ତି।
Comments are closed.