ବିଜେପିରୁ ଇସ୍ତଫା ଦେଲେ ଜଗନ୍ନାଥ ପ୍ରଧାନ, କହିଲେ ସମୟ ଦେଇପାରୁନାହିଁ

ବିଜେପି ଛାଡ଼ିଲେ ଜଗନ୍ନାଥ ପ୍ରଧାନ । ବ୍ୟକ୍ତିଗତ କାରଣ ଦର୍ଶାଇ ବିଜେପିର ପ୍ରାଥମିକ ସଦସ୍ୟ ପଦରୁ ସେ ଇସ୍ତଫା ଦେଇଛନ୍ତି । ଭୁବନେଶ୍ୱର ସଭାପତି ଚୟନରେ ଅସନ୍ତୁଷ୍ଟ ହୋଇ ସେ ଇସ୍ତଫା ଦେଇଥିବା ତାଙ୍କ ସମର୍ଥକମାନେ କହିଛନ୍ତି ।  ସଭାପତି ଚୟନ ନେଇ ମତାମତ ନିଆଯାଇନଥିବା ଯୋଗୁଁ ସେ ନିଜ ଇସ୍ତଫା ପତ୍ର ରାଜ୍ୟ ସଭାପତିଙ୍କ ନିକଟକୁ ପଠାଇ ଦେଇଛନ୍ତି। ଗତ ନିର୍ବାଚନରେ ଭୁବନେଶ୍ୱର ମଧ୍ୟରୁ ପ୍ରାର୍ଥୀ ହୋଇଥିଲେ ଜଗନ୍ନାଥ। ନିର୍ବାଚନ ରାଲିରେ ତାଙ୍କ ଗାଡି ଉପରକୁ ଆକ୍ରମଣ ହୋଇ ଥିଲା। ବୋମାମାଡରେ ଜଗନ୍ନାଥଙ୍କ ଗାଡିର କାଚ ଭାଙ୍ଗି ଚୁରମାର ହୋଇ ଥିଲା । ଏଥିରୁ ବର୍ତ୍ତି ଯାଇଥିଲେ ଜଗନ୍ନାଥ ପ୍ରଧାନ ।

ତେବେ ନିଜ ଇସ୍ତଫା ପତ୍ରରେ ସେ ଏସବୁ ଉଲ୍ଲେଖ କରିନାହାନ୍ତି ଜଗନ୍ନାଥ । ଦଳ ପାଇଁ ସେ ଅଧିକ ସମୟ ଦେଇପାରୁ ନାହାନ୍ତି ଓ ବ୍ୟକ୍ତିଗତ ସମସ୍ୟା ଯୋଗୁଁ ସେ ଇସ୍ତଫା ଦେଇଥିବା କହିଛନ୍ତି । ଏଥିପାଇଁ କୌଣସି ଦୋଷ ଧରିବେ ନାହିଁ ଓ ଆପଣମାନଙ୍କ ପାଇଁ ମୋର ପୂର୍ବପରି ଶ୍ରଦ୍ଧା ସମ୍ମାନ ରହିଛି ବୋଲି ନିଜ ଇସ୍ତଫା ପତ୍ରରେ ଜଗନ୍ନାଥ ଉଲ୍ଲେଖ କରିଛନ୍ତି ।

Comments
Loading...