କର୍ଣ୍ଣାଟକ ଉପମୁଖ୍ୟମନ୍ତ୍ରୀଙ୍କ ଘରେ ଆୟକର ଚଢ଼ାଉ ଜାରି, ୫ କୋଟି ନଗଦ ଟଙ୍କା ଜବତ

ବେଙ୍ଗାଲୁରୁ: କର୍ଣ୍ଣାଟକ ଉପମୁଖ୍ୟମନ୍ତ୍ରୀ ଜି. ପରମେଶ୍ଵରଙ୍କ ଘର ସମେତ ବିଭିନ୍ନ ସ୍ଥାନରେ ଆୟକର ବିଭାଗ ପକ୍ଷରୁ ଶୁକ୍ରବାର ୨ୟ ଦିନ ପାଇଁ ଚଢ଼ାଉ ଜାରି ରହିଛି। ଚଢ଼ାଉ ସମୟରେ ଆୟକର ବିଭାଗ ନଗଦ ୫ କୋଟି ଟଙ୍କା ଜବତ କରିଛି। ବର୍ତ୍ତମାନ ସୁଦ୍ଧା ପରମେଶ୍ଵର ଏବଂ କଂଗ୍ରେସର ବରିଷ୍ଠ ନେତା ଏଲ. ଜଲପ୍ପାଙ୍କ ପୁଅ ରାଜେନ୍ଦ୍ରଙ୍କ ୨୫ଟି ସ୍ଥାନରେ ଚଢ଼ାଉ ଜାରି ରହିଥିବା ଅଧିକାରୀମାନେ ସୂଚନା ଦେଇଛନ୍ତି। ଚଢ଼ାଉରେ ଆୟକର ବିଭାଗର ପ୍ରାୟ ୩୦୦ରୁ ଅଧିକ ଅଧିକାରୀ ସାମିଲ ହୋଇଛନ୍ତି। ସୂଚନା ଅନୁସାରେ, ପରମେଶ୍ଵରଙ୍କ ପରିବାର ଦ୍ବାରା ସିଦ୍ଧାର୍ଥ ଗ୍ରୁପ ଅଫ ଇନଷ୍ଟିଚ୍ୟୁଶନ ପରିଚାଳିତ ହେଉଛି। ସେହିପରି ରାଜେନ୍ଦ୍ର ଡୋଡାବଲ୍ଲାପୁରା ଏବଂ କୋଲାରରେ ଆର. ଏଲ. ଜଲପ୍ପା ଇନଷ୍ଟିଚ୍ୟୁଟ ଅଫ ଟେକ୍ନୋଲୋଜି ପରିଚାଳନା କରୁଛନ୍ତି। ଉଭୟ ଶିକ୍ଷାନୁଷ୍ଠାନ ନୀଟ୍‌ ପରୀକ୍ଷା ସହିତ ଜଡ଼ିତ କୋଟି କୋଟି ଟଙ୍କାର ଟିକସ ଚୋରି କରିଥିବା ସନ୍ଦେହରେ ଆୟକର ବିଭାଗ ପକ୍ଷରୁ ଏହି ଚଢ଼ାଉ କରାଯାଉଛି।

Comments
Loading...