ଅଭିନେତା ଇରଫାନ୍ ଖାନ ଗୁରୁତର : ଆଇସିୟୁରେ ଭର୍ତ୍ତି

ମୁମ୍ବଇ : ବଲିଉଡ଼ ଅଭିନେତା ଇରଫାନ ଖାନଙ୍କ ସ୍ବାସ୍ଥ୍ୟାବସ୍ଥା ଗୁରୁତର ହୋଇପଡ଼ିଛି। ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଇରଫାନଙ୍କୁ ମୁମ୍ବାଇର କୋକିଲାବେନ ହସ୍ପିଟାଲର ଆଇସିୟୁରେ ଭର୍ତ୍ତି କରାଯାଇଥିବା ଜଣାପଡ଼ିଛି। ନିକଟରେ ଇରଫାନ ଖାନଙ୍କ ମାଆ ସଇଦା ବେଗମଙ୍କର ଦେହାନ୍ତ ହୋଇଥିଲା। ସେତେବେଳେ ଖବର ଆସିଥିଲା ଯେ ଲକଡାଉନରେ ଘରୁ ଦୂରରେ ଥିବାରୁ ଭିଡିଓ କନଫରେନ୍ସିଂ ମାଧ୍ୟମରେ ଅଭିନେତା ମା’ଙ୍କୁ ଶେଷ ଦର୍ଶନ କରିଥିଲେ।
ମାର୍ଚ୍ଚ ୨୦୧୮ରେ ଦୁଇ ବର୍ଷ ପୂର୍ବେ ଇରଫାନ୍ କ୍ୟାନସର ରୋଗରେ ଆକ୍ରାନ୍ତ ହୋଇଥିଲେ। ସେ ନିଜେ ତାଙ୍କ ପ୍ରଶଂସକଙ୍କୁ ଏହି ଆଶ୍ଚର୍ୟ୍ୟଜନକ ଖବର ଦେଇଥିଲେ। ସେ ଟ୍ୱିଟ୍ କରି ନିଜର ଅସୁସ୍ଥତା ବିଷୟରେ ପ୍ରକାଶ କରିଥିଲେ।