ଯାତ୍ରୀ ବିଶ୍ରାମଗାରରୁ ଲୁହା କବାଟ ତାଡି ନେଇଗଲେ

ଫୁଲବାଣୀ: କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଳକ ଅନ୍ତର୍ଗତ ଡିଣ୍ଡିରାଗାଁ ପଞ୍ଚାୟତର ଲଦାପଦରଠାରେ ଥିବା ଯାତ୍ରୀ ବିଶ୍ରାମଗାରର ଲୁହା କବାଟ କିଏ ତାଡ଼ି ନେଇ ଯାଇଛନ୍ତି। ଫିରିଙ୍ଗିଆ ବ୍ଲକ ତରଫରୁ ଗତ ପ୍ରାୟ ୪ ବର୍ଷର୍ ହେଲା ଏକ ଯାତ୍ରୀ ବିଶ୍ରାମଗାର ନିର୍ମାଣ କରାଯାଇଛି। ସେଠାରେ ଥିବା ଲୋକଙ୍କୁ ଗାଡି ଅପେକ୍ଷା କରିବା ବେଳେ ବିଭିନ୍ନ ବର୍ଷ ଖରାଭଳି ରୃତୁରେ ସୁବିଧା ଦେବାପାଇଁ ଏକ ଯାତ୍ରୀ ବିଶ୍ରାମ ଗାର ନିର୍ମାଣ କରାଯାଇଛି। ବିଶ୍ରାମଗାର ଭିତରକୁ ଗାଈଗୋରୁ ନ ଯାଇ ପାରିବେ ସେଥିରେ ଲୁହାର କବାଟ ମଧ୍ୟ ଲଗାଯାଇଥିଲା। ତେବେ ବର୍ତମାନ ସେହି କବାଟକୁ କେହି ତାଢି ନେଇ ଯାଇଥିବା ଦେଖିବାକୁ ମିଳିଛି। ତେବେ ସଠୋରେ ଲାଗିଥିବା ସେହି କବାଟ ଗୁଡିକ ଲାଗିବାପରେ ତାର କାର୍ଯ୍ୟ ସମ୍ପୁର୍ଣ୍ଣ ହୋଇଥିଲା। ସେଗୁଡିକ କିଏ ଏବଂ କାହିଁକି ସେଠାରୁ ତାଢି ନେଲା ତାହା ଜଣାପଡିନାହିଁ। କବାଟ ଲାଗିବାପରେ ସେହି କାମ ସମ୍ପୁର୍ଣ୍ଣ ହୋଇଥିଲା ଏବଂ କାମର ବିଲ ମଧ୍ୟ ହୋଇଥିବା ଜଣାପଡିଛି। ତେବେ ସେହି କାମ ସରିବାପରେ କେଉଁ ଉଦେଶ୍ୟରେ ସେହି କବାଟ ସବୁକୁ କାଢି ବାହାର କରାଯାଇ ସେଠାରୁ ନିଆଗଲା ତାହା ତଦନ୍ତ ସାପେକ୍ଷ। ଏହି ବିଷୟରେ ଡିଣ୍ଡିରା ଗାଁ ପଞ୍ଚାୟତର ଦାୟୀତ୍ୱରେ ଥିବା କନିଷ୍ଠ ଯନ୍ତ୍ରୀ ସ୍ମିତାରାଣୀ ସ୍ୱାଇଁଙ୍କୁ ପଚାରିବାରେ ସେ ଏହି ବାବଦରେ କିଛି କହିବାକୁ ମନା କରିଦେଇଛନ୍ତି। ବର୍ତମାନ ସେହି ଯାତ୍ରୀ ବିଶ୍ରାମଗାରଟି ସେମିତି ଖୋଲା ପଡିଛି। ଏ ସଂପର୍କରେ ଫିରିଙ୍ଗିଆ ବିଡିଓ ରଶ୍ମିରଞ୍ଜନ ମହନ୍ତଙ୍କୁ ଯୋଗାଯୋଗ କରିବାରୁ ତାହା ସମ୍ଭବ ହୋଇପାରିନଥିଲା। ତେବେ ସ୍ଥାନୀୟ ବ୍ଲକ ପ୍ରଶାସନ ଏଥିପ୍ରତି ଧ୍ୟାନ ଦେବା ପାଇଁ ସଧାରଣରେ ଦାବି ଜୋର ଧରିଛି।

Comments
Loading...