ନ୍ୟୁୟର୍କ.- ଇରାକରେ ଏବେ ଆମେରିକାର ସେନା ମୁତୟନ ହୋଇଛନ୍ତି । ଆଇଏସ୍ଆଇଏସ୍କୁ ଇରାକରୁ ସମ୍ପୂର୍ଣ୍ଣ ଭାବେ ମୂଳପୋଛ କରିବା ପାଇଁ ଇରାକ୍ସେନାକୁ ଆମେରିକା ସେନା ସହାୟତା ଯୋଗାଇ ଦେଇଥିଲା । ଏବେ ଇରାକ୍ ସମ୍ପୂର୍ଣ୍ଣ ଭାବେ ଆଇଏସ୍ଆଇଏସ୍ କବଳରୁ ମୁକ୍ତ ହୋଇଛି । ଏବେ ଇରାକ୍ର ପୁନଃନିର୍ମାଣ କାର୍ଯ୍ୟ ଚାଲିଥିବାରୁ ସେଠାରେ ଆମେରିକାର ସେନା ରହିବା ନିହାତି ଦରକାର ବୋଲି ଆମେରିକାର ସେନାର କର୍ଣ୍ଣେଲ ସିଆନ୍ ରିଆନ୍ କହିଛନ୍ତି । କର୍ଣ୍ଣେଲ୍ ସିଆନ୍ ଏବେ ସଂଯୁକ୍ତ ସେନାର ମୁଖପାତ୍ର ଅଛନ୍ତି ।
ଆମେରିକା ସେନା ଇରାକରୁ ଆଇଏସ୍ ଆଇଏସ୍କୁ ସମ୍ପୂର୍ଣ୍ଣ ଭାବରେ ପରାସ୍ତ କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲା । ଇରାକ୍ ସୁରକ୍ଷା ବଳକୁ ତାଲିମ ଦେବା ସହ ଅତ୍ୟାଧୁନିକ ଅସ୍ତ୍ର ଶସ୍ତ୍ର ବ୍ୟବହାର କରିବା ଶିଖାଇଥିଲା । ଏବେ ଇରାକରେ ଚାଲିଥିବା ବିଭିନ୍ନ ଉନ୍ନତିକରଣ କାର୍ଯ୍ୟରେ ଆମେରିକା ସେନା ସହାୟତା ଯୋଗାଇ ଦେଉଛି ।