ସେପ୍ଟେମବର ୧୯ରୁ ନଭେମ୍ବର ୧୦ ପର୍ଯ୍ୟନ୍ତ ସାରଜା, ଦୁବାଇ ଓ ଆବୁଧାବୀରେ ଆଇପିଏଲ୍ ମ୍ୟାଚ୍
ୟୁଏଇ ସ୍ବାସ୍ଥ୍ୟ ସେବା କମ୍ପାନୀ ବିପିଏସ୍ ସହ ବିସିସିଆଇର ଚୁକ୍ତି; ଖେଳାଳିଙ୍କ ପାଇଁ ୭୫ ସ୍ବାସ୍ଥ୍ୟ କର୍ମୀ
ଭାରତୀୟ କ୍ରିକେଟ କଂଟ୍ରୋଲ ବୋର୍ଡ଼ (ବିସିସିଆଇ) ଆଇପିଏଲ୍ ସମୟରେ ଖେଳାଳି ଓ ଅନ୍ୟମାନଙ୍କୁ ମିଶାଇ ପ୍ରାୟ ୨୦ ହଜାର ପରୀକ୍ଷା କରିବାକୁ ନିଷ୍ପତ୍ତି ନେଇଛି। ଏଥିପାଇଁ ପ୍ରାୟ ୧୦ କୋଟି ଟଙ୍କା ବ୍ୟୟ କରିବ ବିସିସିଆଇ । ଆଇପିଏଲ୍ ସମୟରେ ପ୍ରତି ୫ମ ଦିନ ସବୁ ଖେଳାଳି ଓ ସହଯୋଗୀମାନଙ୍କର କରୋନା ପରୀକ୍ଷା ହେବ । ୟୁଏଇର ବାୟୋ -ସିକ୍ୟୋର ପରିସ୍ଥିତିରେ ଏହି ପରୀକ୍ଷା କରାଯିବ ।
ଆଇପିଏଲର ୮ ଦଳ ମଧ୍ୟରେ ୬୦ ମ୍ୟାଚ୍ ଦୁବାଇ, ଶାରଜା ଓ ଆବୁଧାବୀରେ ହେବାକୁ ଅପାାତତଃ ଚୂଡ଼ାନ୍ତ ହୋଇଛି । ଇତିମଧ୍ୟରେ ସବୁ ଫ୍ରାଞ୍ଚାଇଜି ୟୁଏଇରେ ପହଞ୍ଚି କ୍ବାରେଣ୍ଟାଇନ ସମୟ ପୂରାକରିଛି । ଏହି ଅବସରରେ ଚେନ୍ନାଇ ସୁପରକିଙ୍ଗ୍ସର ୨ ଖେଳାଳିଙ୍କ ସହ ୧୩ ଜଣ ଷ୍ଟାଫ୍ ସଂକ୍ରମିତ ହୋଇଥିଲେ ହେଁ ଦ୍ବିତୀୟ କରୋନା ପରୀକ୍ଷାରେ ସେମାନେ ନେଗେଟିଭ୍ ଆସିଛନ୍ତି ।
ଆଇପିଏଲର ଜଣେ ଅଧିକାରଙ୍କ ସୂତ୍ରରୁ ମିଳିଥିବା ସୂଚନା ଅନୁସାରେ ୟୁଏଇର ବିପିଏଲସ ହେଲଥ କେୟାର କମ୍ପାନୀ ସହ ବିସିସିଆଇ ଚୁକ୍ତି କରିଛି । କମ୍ପାନୀ ୨୦ ହଜାର କରୋନା ପରୀକ୍ଷା କରିବ । ପ୍ରତ୍ୟେକ ପରୀକ୍ଷା ପାଇଁ ବିସିସିଆଇ ବିପିଏସ୍ ହେଲଥ କେୟାରକୁ ୨୦୦ ଦିରହମ୍ (୩୯୭୧ ଟଙ୍କା) ପ୍ରଦାନ କରିବ । ଏହା ସହ କମ୍ପାନୀ ଆଇପିଏଲ୍ ସମୟରେ କରୋନା ଯାଞ୍ଚ ନିମନ୍ତେ ନିଜର ୭୫ ସ୍ବାସ୍ଥ୍ୟ କର୍ମୀଙ୍କୁ ନିଯୁକ୍ତି ଦେବ । ଏମାନଙ୍କ ମଧ୍ୟରୁ ୨୫ କର୍ମଚାରୀ ଲ୍ୟାବରେ ଓ ୫୦ ଜଣ ଖେଳାଳିମାନଙ୍କ ଦେଖାଶୁଣା ନିମନ୍ତେ କାର୍ଯ୍ୟ କରିବେ ।
Comments are closed.