ଗାଡ଼ି ଓ ସ୍ବାସ୍ଥ୍ୟବୀମା ଅବଧି ସରି ଯାଇଛି କି ? ମେ ୧୫ ତାରିଖ ପର୍ଯ୍ୟନ୍ତ ରହନ୍ତୁ ନିଶ୍ଚିନ୍ତ

ନୂଆଦିଲ୍ଲୀ: ଲକ୍ଡ଼ାଉନ ଯୋଗୁଁ ଗାଡ଼ି କିମ୍ବା ସ୍ବାସ୍ଥ୍ୟ ବୀମାରାଶି ପ୍ରଦାନ କରି ପାରୁନାହାନ୍ତି କି ? ଏଥିପାଇଁ ବିବ୍ରତ ଅଛନ୍ତି କି? ଏହାର ସମାଧାନ ସୂତ୍ର ବାହାର କରିଛନ୍ତି କେନ୍ଦ୍ର ସରକାରଙ୍କ ଅର୍ଥ ମନ୍ତ୍ରଣାଳୟ । ଲକ୍ଡ଼ାଉନ ଯୋଗୁଁ ସ୍ବାସ୍ଥ୍ୟ ଓ ଯାନବାହନ ବୀମା ଅବଧିକୁ ବୃଦ୍ଧି କରାଯାଇଛି । ପୂର୍ବରୁ ଏହି ଅବଧି ଏପ୍ରିଲ ୨୧ ପର୍ଯ୍ୟନ୍ତ ବୃଦ୍ଧି କରାଯାଇଥିଲା, ମାତ୍ର ପ୍ରଧାନମନ୍ତ୍ରୀ ଲକଡ଼ାଉନକୁ ମେ ୩ ପର୍ଯ୍ୟନ୍ତ ବୃଦ୍ଧି କରିବା ପରେ ଅର୍ଥ ମନ୍ତ୍ରଣାଳୟ ବୀମା ଅବଧିକୁ ମେ ୧୫ ପର୍ଯ୍ୟନ୍ତ ସଂପ୍ରସାରିତ କରିଛନ୍ତି ।ଫଳରେ  ଅବଧି ​‌ଶେଷ ହୋଇ ଯାଇଥିଲେ ମଧ୍ୟ ଗାଡ଼ି ଓ ସ୍ବାସ୍ଥ୍ୟବୀମା ପ୍ରଦାନ କରିବାକୁ ଖାଉଟି ସମସ୍ୟା ଭୋଗିବେ ନାହିଁ । ତେବେ ଏଥିରେ ଗୋଟିଏ ସର୍ତ ରହିଛି । ମୋଟରଗାଡ଼ି କ୍ଷେତ୍ରରେ ଏହି ଅବଧି କେବଳ ତୃତୀୟପକ୍ଷ (ଥାର୍ଡ଼ ପାର୍ଟି) ବୀମା ନିମନ୍ତେ ଲାଗୁ ହେବ  । ଇଆରଡିଏଆଇ ଅଧିକାରୀଙ୍କ କହିବା ଅନୁଯାୟୀ, ବୃଦ୍ଧି ପାଇଥିବା ଅବଧି ଏବଂ ବୈଧତା ମୋଟର ଥାର୍ଡ ପାର୍ଟି କମ୍ପୋନେଣ୍ଟ ପାଇଁ ଲାଗୁ ହେବ।

Comments
Loading...