ବାଣଫୁଟି ଦୁଇ ପାପୁଲି ଛିଣ୍ଡିଲା 

ଆଠଗଡ :  ଖୁଣ୍ଟୁଣୀ ଥାନା ଅନ୍ତର୍ଗତ କଣ୍ଡରେଇ ପଞ୍ଚାୟତର ପାର୍ବତୀପୁର ଗ୍ରାମରେ ଏକ ଅଭାବନୀୟ ଘଟଣାକ୍ରମରେ ହାତରେ ବାଣଫୁଟି ଜଣେ ବ୍ୟକ୍ତିଙ୍କର ଦୁଇ ହାତର ପାପୁଲି ଚିଣ୍ଡି ଯାଇଥିବା ଜଣାପଡିଛି । ପାର୍ବତୀପୁର ଗ୍ରାମର ଏକ ବାହାଘର ଶୋଭଯାତ୍ରାରେ ଖାସ୍‍କା ଗ୍ରାମକୁ ଯାଉଥିବାବେଳେ ବାଣ ଫୁଠାଇବା ଦାୟିତ୍ୱରେ ଥିବା ଡାନିଏଲ୍‍ ଜାରିକା ବାଣ ଫୁଟାଉଥିବାବେଳେ ବାଣଟି ତାଙ୍କ ହାତରେ ଫୁଟି ଯିବାରୁ ସେ ରାସ୍ତା କଡକୁ ଛିଟିକି ପଡିଥିଲେ । ତାଙ୍କର ଦୁଇ ହାତର ପାପୁଲିରେ ଗଭୀର କ୍ଷତ ହୋଇଥିବାରୁ ସ୍ଥାନୀୟ ଲୋକ ତାଙ୍କୁ ତୁରନ୍ତ ଏକ ଅଟୋରେ ଆଠଗଡ ଡାକ୍ତରଖାନାକୁ ନେଇଥିଲେ । ତାଙ୍କର ଦୁଇ ହାତର ପାପୁଲି ଛିଣ୍ଡି ଓହଳିବା ଅବସ୍ଥାରେ ଥିବାରୁ ଆଠଗଡ ଡାକ୍ତରଖାନାରେ ପ୍ରାଥମିକ ଚିକିତ୍ସା ପରେ ତାଙ୍କୁ କଟକ ସ୍ଥାନାନ୍ତରିତ କରିବା ପାଇଁ ଡାକ୍ତର ପରାମର୍ଶ ଦେଇଥିଲେ। ଡାନିଏଲଙ୍କୁ ତାଙ୍କ ବାପା ସୁକୁ ଲାଲ୍‍ ୧୦୮ ଆମ୍ବୁଲାନ୍ସ ଯୋଗେ କଟକ ବଡ ଡାକ୍ତରଖାନା ନେଇଯାଇଥିଲେ। ଡାନିଏଲଙ୍କ ଦୁଇ ହାତର ପାପୁଲି ବ୍ୟତୀତ ଶରୀରର ଅନ୍ୟାନ୍ୟ ସ୍ଥାନରେ ମଧ୍ୟ କ୍ଷତ ହୋଇଥିବା ଜଣାପଡିଛି ।

Comments are closed.