‘ଇଣ୍ଡିଆଜ୍ ମୋଷ୍ଟ ୱାଣ୍ଟେଡ଼୍’ର ନୈରାଶ୍ୟଜନକ ପ୍ରଦର୍ଶନ; ଆଲାଦୀନ୍ ସହ କରିପାରୁ ନାହିଁ ମୁକାବିଲା
ମୁମ୍ବଇ : ଅର୍ଜୁନ କପୁରଙ୍କ ଅଭିନୀତ ଆକ୍ସନ-ଥ୍ରୀଲର ଚଳଚ୍ଚିତ୍ର ‘ଇଣ୍ଡିଆଜ୍ ମୋଷ୍ଟ ୱାଣ୍ଟେଡ଼୍’ ବକ୍ସ ଅଫିସରେ ନିରାଶାଜନକ ପ୍ରଦର୍ଶନ କରିଛି। ସତ୍ୟ ଘଟଣା ଉପରେ ଆଧାରିତ ଏହି ଚଳଚ୍ଚିତ୍ର ଦର୍ଶକଙ୍କ ମନ ଜିତିବାରେ ବିଫଳ ହୋଇଛି। ‘ଇଣ୍ଡିଆଜ୍ ମୋଷ୍ଟ ୱାଣ୍ଟେଡ଼୍’ ୩ ଦିନରେ କେବଳ ୮.୬୬ କୋଟି ଟଙ୍କାର ବ୍ୟବସାୟ କରିଛି। ଟ୍ରେଡ଼୍ ଆନାଲିଷ୍ଟ ତରଣ ଆଦର୍ଶ ଟ୍ୱିଟ୍ କରି ଚଳଚ୍ଚିତ୍ରର ୩ ଦିନର ଆୟ ବିଷୟରେ ସୂଚନା ଦେଇଛନ୍ତି। ସେ ଲେଖିଛନ୍ତି, ଚଳଚ୍ଚିତ୍ରର ୩ ଦିନର ଆୟ ଆଶାଠାରୁ ବହୁତ କମ୍ ରହିଛି। ଶୁକ୍ରବାର ଚଳଚ୍ଚିତ୍ର ୨.୧୦ କୋଟି, ଶନିବାର ୩.୦୩ କୋଟି ଓ ରବିବାର ୩.୫୩ କୋଟି ଟଙ୍କା ଆୟ କରିଛି। ବକ୍ସ ଅଫିସରେ ଗୋଟିଏ ଦିନରେ ମୁକ୍ତିଲାଭ କରିଥିବା ହଲିଉଡ଼ ଚଳଚ୍ଚିତ୍ର ‘ଆଲାଦୀନ୍’ ସହ କଡ଼ା ଟକ୍କର ଯୋଗୁଁ ଚଳଚ୍ଚିତ୍ରର ଆୟ ପ୍ରଭାବିତ ହେଉଥିବା ଜଣାପଡ଼ିଛି। ‘ଆଲାଦୀନ୍’ର ସମସ୍ତ ଭର୍ଜନ ଭାରତୀୟ ବଜାରରେ ୨ ଦିନରେ ହିଁ ୧୦.୭୫ କୋଟି ଟଙ୍କାର ବ୍ୟବସାୟ କରିଛି।
Comments are closed.