ଭାରତୀୟଙ୍କ ସୁସ୍ଥ ଏବଂ ଦୀର୍ଘ ଜୀବନର ରହସ୍ୟ -ନେଦରଲ୍ୟାଣ୍ଡ ବିଶେଷଜ୍ଞ ଦଳ ୨ମାସ ଅନୁଧ୍ୟାନ କରିବା ପରେ ଦେଲେ ଏପରି ସୂଚନା

ଦୀର୍ଘାୟୁର ରହସ୍ୟ

ସୁସ୍ଥ ଓ ଦୀର୍ଘାୟୁ ଜୀବନ ଅତିବାହିତ କରିବାକୁ ସମସ୍ତେ ଚାହାଁନ୍ତି। ନେଦରଲ୍ୟାଣ୍ଡ ବିଶେଷଜ୍ଞ ଦଳ ୨ମାସ ଅନୁଧ୍ୟାନ କରିବା ପରେ କେତୋଟି ତଥ୍ୟ ପ୍ରଦାନ କରିଛନ୍ତି। ଏହି ଗବେଷଣାରେ ୭୦-୯୦ ବର୍ଷ ବୟସ୍କ ଲୋକ ସାମିଲ ଥିଲେ। ଦୀର୍ଘାୟୁ ହେବା ନିମନ୍ତେ ବିଶେଷଜ୍ଞ ସମୂହ ନିମ୍ନଲିଖିତ ନିୟମମାନ ପ୍ରକାଶ କରିଛନ୍ତି।

– ସବୁଜ ପନିପରିବା ନିୟମିତ ଖାଇବା ସହ ସପ୍ତାହକୁ ଥରୁଟିଏ ଅନ୍ତତଃ ମାଛ ଖାଇବା ଉଚିତ। ସେଲଫିଶ୍ ପ୍ରଜାତିର ସାମୁଦ୍ରିକ ମାଛ ପ୍ରତ୍ୟେକ ବର୍ଗର ଲୋକେ ଖାଇବା ସେମାନଙ୍କ ସ୍ବାସ୍ଥ୍ୟ ପାଇଁ ଭଲ।

– ଦ୍ବିପହର ଓ ରାତ୍ରି ଭୋଜନରେ ୧୦୦ ଗ୍ରାମ୍ ପନିପରିବା ସିଝା ନଚେତ୍ ତରକାରି ଖାଇଲେ ଶରୀରକୁ ଶକ୍ତି ମିଳେ।

-ବିଶେଷଜ୍ଞଙ୍କ କହିବାନୁସାରେ ଯୁବତୀ ତଥା ମହିଳାମାନେ ନିୟମିତ ଗୋଟିଏ ସେଓ ଖାଇବା ଆବଶ୍ୟକ। ଏହା ଉଭୟ ସେମାନଙ୍କ ତ୍ବଚା ଓ ଶରୀରକୁ ପୋଷଣ ଯୋଗାଇଥାଏ।

– ନ୍ୟୁଜିଲାଣ୍ଡର ବିଶେଷଜ୍ଞ ଦଳଙ୍କ ପରୀକ୍ଷା ଅନୁସାରେ ପ୍ରତ୍ୟେକ ବ୍ୟଞ୍ଜନରେ ଆବଶ୍ୟକ ପରିମାଣରେ କଞ୍ଚା ଲଙ୍କା ବ୍ୟବହାର କରନ୍ତୁ। ଖାଦ୍ୟକୁ ଅଧିକ ରାଗ ନ କରି କଞ୍ଚା ଲଙ୍କାର ଯଥା ମାତ୍ରାରେ ଉପଯୋଗ ହୃଦରୋଗର ଆଶଙ୍କା କମ୍ କରେ। ଏକ ସର୍ବେକ୍ଷଣରୁ ଜଣାପଡ଼ିଥିଲା ନିୟମିତ ଭାବେ ଭାରତୀୟ ଲୋକ କଞ୍ଚା ଲଙ୍କା ସେମାନେ ବ୍ୟଞ୍ଜନରେ ବ୍ୟବହାର କରୁଥିବାରୁ ବିଦେଶୀଙ୍କ ତୁଳନାରେ କମ୍ ହୃଦଘାତର ଶିକାର ହୋଇଥାନ୍ତି।

– ସପ୍ତାହକୁ ଥରେ କିମ୍ବା ଦୁଇଥର ଡାଳିମ୍ବ ଫଳ ମଧ୍ୟ ଖାଇବା ଭଲ। ଏହି ଫଳ ଶରୀରର ରୋଗ ପ୍ରତିରୋଧକ ଶକ୍ତି ବଢ଼ାଏ।

 

Comments are closed.