ଭାରତୀୟ ରାଜକୁମାରଙ୍କ କୋଠା ୧୫୨ କୋଟିରେ ବିକ୍ରି

ଲଣ୍ଡନ : ଲଣ୍ଡନରେ ଥିବା ଭାରତୀୟ ରାଜକୁମାରଙ୍କ ଏକ କୋଠାକୁ ୧୫.୫ ନିୟୁତ ପାଉଣ୍ଡ (ପ୍ରାୟ ୧୫୨କୋଟି ଟଙ୍କା)ରେ ବିକ୍ରି ହୋଇଛି। ଏହି କୋଠାଟି ମହାରାଜା ଦିଲ୍ଲୀପ ସିଂହଙ୍କ ପୁଅ ରାଜକୁମାର ଭିକ୍ଟର ଆଲବର୍ଟ ଜୟଙ୍କ ନାମରେ ରହିଥିଲା। ଦିଲୀପ ସିଂହ ମହାରାଜା ରଞ୍ଜିତ ସିଂହଙ୍କ ସାନପୁଅ। ଦିଲୀପ ସିଂହ ଶିଖ ସାମ୍ରାଜ୍ୟର ଶେଷ ରାଜା ଥିଲେ। ଉନ୍ନବିଂଶ ଶତାବ୍ଦୀରେ ଶିଖ ସାମ୍ରାଜ୍ୟ ବ୍ରିଟିଶ ଶାସନ ଅଧିନକୁ ଯିବା ପରେ ଦିଲୀପ ସିଂହ ଲଣ୍ଡନକୁ ଚାଲିଯାଇଥିଲେ। ୧୮୬୬ରେ ଦିଲୀପ ସିଂହଙ୍କ ପୁଅ ଭିକ୍ଟର ଜନ୍ମ ଗ୍ରହଣ କରିଥିଲେ। ରାଣୀ ଭିକ୍ଟୋରିଆଙ୍କୁ ସେ ନିଜର ଜେଜେମା ଭାବେ ଗ୍ରହଣ କରିଥିଲେ। ୧୮୬୮ରେ ପ୍ରିନ୍ସ ଭିକ୍ଟରଙ୍କ ନାମରେ ଏହି କୋଠାଟିକୁ ମହାରାଜା ଦିଲୀପ କିଣିଥିଲେ। ୫୬୧୩ ବର୍ଗଫୁଟର ଦୁଇ ମହଲା ବିଶିଷ୍ଟ ଏହି କୋଠାରେ ସମସ୍ତ ପ୍ରକାର ସୁବିଧା ରହିଛି।

Comments
Loading...