ନିର୍ଦେଶକ ସାଜିଦ ଖାଁଙ୍କ ବିରୋଧରେ ମଡେଲଙ୍କ ‘କାଷ୍ଟିଂ କାଉଚ୍‌’ ଅଭିଯୋଗ

ମୁମ୍ବଇ : ବଲିଉଡରେ ପୁନର୍ବାର ମୁଣ୍ଡ ଟେକିଛି ‘କାଷ୍ଟିଂ କାଉଚ୍‌’ ବିବାଦ। ନିର୍ଦେଶକ ସାଜିଦ ଖାଁଙ୍କ ବିରୋଧରେ ଏଭଳି ଅଭିଯୋଗ ଆଣିଛନ୍ତି ଜଣେ ମଡେଲ। ମଡେଲଙ୍କ କହିବାନୁଯାୟୀ, ସାଜିଦ ତାଙ୍କୁ ନିଜ ସିନେମା ‘ହାଉସ୍‌ଫୁଲ୍‌-୪’ରେ ଅଭିନୟ ସୁଯୋଗ ଦେବା ପାଇଁ ଆପତ୍ତିଜନକ କାର୍ଯ୍ୟର ପ୍ରଲୋଭନ ଦେଖାଇଥିଲେ। ତାଙ୍କ ସମ୍ମୁଖରେ ପୋଷାକ ଖୋଲିବାକୁ କହିବା ସହ ଶରୀରର ସମ୍ବେଦନଶୀଳ ସ୍ଥାନରେ ହସ୍ତଚାଳନା କରିଥିଲେ ବୋଲି ସମ୍ପୃକ୍ତ ମଡେଲ ନିଜ ଇନଷ୍ଟାଗ୍ରାମ୍‌ରେ ପୋଷ୍ଟ କରିଛନ୍ତି।

ସେ ଲେଖିଛନ୍ତି ଯେ ‘ବଲିଉଡରେ ମୋର କେହି ଗଡଫାଦର ନାହାନ୍ତି। ମୋତେ ନିଜ ଗୋଡ଼ରେ ଛିଡ଼ା ହେବା ସହ ପରିବାର ଚଳାଇବା ପାଇଁ ରୋଜଗାର କରିବାକୁ ପ‌େଡ। କିଛି ଲୋକ ଏଥିରୁ ଫାଇଦା ଉଠାଇବା ଉଦ୍ୟମ କରିଛନ୍ତି। ୨୦୧୮ରେ ମୋତେ ୧୭ବର୍ଷ ହୋଇଥିବା ସମୟରେ ସାଜିିଦ ଅସଦାଚରଣ କରିବା ସହ ବିଭିନ୍ନ ଭାବରେ ଯୌନ ନିର୍ଯାତନା ଦେଇଥିଲେ। ଗଣତନ୍ତ୍ରରେ ଅଭିବ୍ୟକ୍ତିର ସ୍ବାଧୀନତା ନ ଥିବା ସେ ଅନୁଭବ କରୁଛନ୍ତି। ଏଭଳି ଅପରାଧ ପାଇଁ ସାଜିଦଙ୍କୁ ଜେଲ ପଠାଇବା ଦରକାର ବୋଲି ସେ ଲେଖିଛନ୍ତି। ସୂଚନାଯୋଗ୍ୟ ଯେ ୨୦୧୮ରେ ସାଜିଦଙ୍କ ବିରୋଧରେ ଦୁଇ ଅଭିନେତ୍ରୀ ଓ ଜଣେ ମହିଳା ସାମ୍ବାଦିକ ଏଭଳି ଅଭିଯୋଗ ଆଣିଥିଲେ। ଏଥିପାଇଁ ତାଙ୍କୁ ‘ହାଉସ୍‌ଫୁଲ୍‌-୪’ ଚଳଚ୍ଚିତ୍ର ହରାଇବାକୁ ପଡ଼ିଥିଲା।

Comments
Loading...