ଚେତାଇଲା ଗୁଇନ୍ଦା ସଂସ୍ଥା: ମୋବାଇଲ୍ ଆପ୍ ଜରିଆରେ ଭାରତୀୟଙ୍କ ବ୍ୟକ୍ତିଗତ ସୂଚନା ଯାଉଛି ଚୀନ

ନୂଆଦିଲ୍ଲୀ : ଭାରତଠାରୁ ଆମେରିକା ଭଳି ଦେଶର ଗୁପ୍ତଚର ଏଜେନ୍ସିମାନେ ଲୋକମାନଙ୍କୁ ଚୀନର ଆପ୍ ବିଷୟରେ ପର୍ଯ୍ୟାୟକ୍ରମେ ଚେତାବନୀ ଦେଇଆସିଛନ୍ତି। ବର୍ତ୍ତମାନ ଭାରତୀୟ ଗୁପ୍ତଚର ଏଜେନ୍ସିମାନେ ଭାରତ ସରକାରଙ୍କୁ ୫୨ଟି ଚାଇନିଜ୍ ମୋବାଇଲ୍ ଆପ୍ ଅବରୋଧ କରିବାକୁ ଏବଂ ଲୋକଙ୍କୁ ବ୍ୟବହାର ନ କରିବାକୁ କହିଛନ୍ତି।

ଆସନ୍ତୁ ଜାଣିବା ଏହି ଆପ୍ସ ବିଷୟରେ …

ହିନ୍ଦୁସ୍ତାନ ଟାଇମ୍ସର ରିପୋର୍ଟ ଅନୁଯାୟୀ, ଗୁପ୍ତଚର ଏଜେନ୍ସିମାନେ କହିଛନ୍ତି ଯେ ସୁରକ୍ଷା ଏବଂ ଗୋପନୀୟତା ଦୃଷ୍ଟିରୁ ଏହି ଚାଇନିଜ୍ ଆପ୍ ଭଲ ନୁହେଁ। ଏହି ଆପ୍ସ ମାଧ୍ୟମରେ ଭାରତୀୟ ମୋବାଇଲ୍ ବ୍ୟବହାରକାରୀଙ୍କ ବ୍ୟକ୍ତିଗତ ସୂଚନା ଚୀନର ସର୍ଭରକୁ ଯାଉଛି। ଏଜେନ୍ସିଗୁଡିକ ସରକାରଙ୍କୁ ପଠାଇଥିବା ଆପଗୁଡିକର ତାଲିକାରେ ଭିଡିଓ କନଫରେନ୍ସିଂ ଆପ୍ ଜୁମ୍, ସର୍ଟ-ଭିଡିଓ ଆପ୍ ଟିକଟକ୍, ୟୁସି ବ୍ରାଉଜର, ଜେଣ୍ଡର, ଶେୟାରାଇଟ୍ ଏବଂ କ୍ଲିନ୍-ମାଷ୍ଟର ଭଳି ନାମ ରହିଛି।

ସରକାରୀ ବରିଷ୍ଠ ଅଧିକାରୀ କହିଛନ୍ତି ଯେ, ଗୁପ୍ତଚର ଏଜେନ୍ସିଗୁଡିକର ସୁପାରିଶକୁ ଜାତୀୟ ସୁରକ୍ଷା ପରିଷଦ ସଚିବାଳୟ ସମର୍ଥନ କରିଛି। ସରକାରଙ୍କୁ ପଠାଯାଇଥିବା ଚିଠିରେ କୁହାଯାଇଛି ଯେ, ଏହି ଆପଗୁଡ଼ିକ ଭାରତର ସୁରକ୍ଷା ପାଇଁ କ୍ଷତିକାରକ ହୋଇପାରେ। ଜଣେ ଅଧିକାରୀ କହିଛନ୍ତି ଯେ, ଏଜେନ୍ସିଗୁଡ଼ିକର ସୁପାରିଶ ଉପରେ ଆଲୋଚନା ହେଉଛି। ପ୍ରତ୍ୟେକ ମୋବାଇଲ୍ ଆପ୍ ସହିତ ଜଡିତ ପାରାମିଟର ଏବଂ ବିପଦଗୁଡିକ ଯତ୍ନର ସହ ଅନୁସନ୍ଧାନ କରାଯାଉଛି।

ସମସ୍ତ ସନ୍ଦିଗ୍ଧ ଆପଗୁଡ଼ିକର ନାମ ……………

ଚଳିତ ବର୍ଷ ଏପ୍ରିଲରେ ଜୁମ୍ ର ଗୋପନୀୟତା ବିଷୟରେ ଗୃହ ମନ୍ତ୍ରଣାଳୟ ଚେତାବନୀ ଦେଇଛି। ଜୁମ୍ ଭିଡିଓ କଲିଂ ଆପ୍ ଉପରେ ଭାରତ କେବଳ ଏକମାତ୍ର ନୁହେଁ। ଭାରତ ପୂର୍ବରୁ ଆମେରିକା ଭଳି ଦେଶରେ ଜୁମ୍ ନିଷେଧ କରାଯାଇଛି। ଟେସଲା ଏବଂ ଫେସବୁକ୍ ସେମାନଙ୍କ କର୍ମଚାରୀମାନଙ୍କୁ ଜୁମ୍ ବ୍ୟବହାର କରିବାକୁ ବାରଣ କରିଥିଲେ। ତାଇୱାନ ମଧ୍ୟ ଜୁମ୍ ବ୍ୟବହାରକୁ ବାରଣ କରିଥିଲା।

Comments
Loading...