ବେଳାଭୂମିରେ ଭାରତୀୟ ହକିଦଳ

0

ପୁରୀ : ପୁରୁଷ ହକି ବିଶ୍ୱକପ୍‍ରେ ଯୋଗ ଦେଇଥିବା ଭାରତୀୟ ଦଳ ମଙ୍ଗଳବାର କ୍ୟାପ୍‍ଟେନ ମନପ୍ରୀତ ସିଂହଙ୍କ ନେତୃତ୍ୱରେ ପୁରୀ ଗସ୍ତରେ ଆସି ସମୁଦ୍ର ସ୍ନାନର ମଜା ନେଇଛନ୍ତି। ବେଳାଭୂମିରେ ସେମାନେ ଭଲିବଲ୍‍ ଖେଳିବା ସହ ସମୁଦ୍ରରେ ଜଳକ୍ରୀଡ଼ା କରିଛନ୍ତି। ଓଟ ଏବଂ ଘୋଡ଼ା ଉପରେ ବସି ସ୍ୱର୍ଣ୍ଣାଭ ବେଳାଭୂମିର ପ୍ରାକୃତିକ ସୌନ୍ଦର୍ଯ୍ୟକୁ ମନଖୋଲି ଉପଭୋଗ କରିଛନ୍ତି।
କୋଚ୍‍ ହରେନ୍ଦର ସିଂଙ୍କ ସହ ଭାରତୀୟ ହକିଦଳ ଦିନ ୧୨ଟା ୧୦ରେ କଡ଼ା ସୁରକ୍ଷା ବ୍ୟବସ୍ଥା ସହ ହୋଟେଲ ହଲିଡେ ରିସର୍ଟରେ ପହଞ୍ଚିଥିଲେ। ଜିଲାପାଳ ଜ୍ୟୋତିପ୍ରକାଶ ଦାସ ଏବଂ ହୋଟେଲ ପରିଚାଳନା ନିର୍ଦେଶକ ରାଜକିଶୋର ପାତ୍ର ସେମାନଙ୍କୁ ସ୍ୱାଗତ କରିଥିଲେ। ଆକର୍ଷଣୀୟ ସମୁଦ୍ର ଜୁଆର ସମେତ ସ୍ୱର୍ଣ୍ଣାଭ ବାଲୁକାରାଶି ସେମାନଙ୍କୁ ଆକୃଷ୍ଟ କରିଥିଲା। ହକି ଖେଳାଳିମାନେ ସମୁଦ୍ରରେ ୱାଟର ସ୍କୁଟର ଚାଳନା କରିଥିଲେ। ଓଟ ଏବଂ ଘୋଡ଼ା ଉପରେ ବସି ସେଲ୍‍ଫି ନେବା ସହ ଭଲିବଲ ଖେଳିଥିଲେ। ଅପରାହ୍ଣ ପ୍ରାୟ ୪ଟା ବେଳେ ଭୁବନେଶ୍ୱର ଅଭିମୁଖେ ସେମାନେ ଫେରି ଯାଇଛନ୍ତି। ସେହିପରି କାନାଡ଼ା ହକିଦଳ ଶିପସରୁବାଲିର ଏକ ହୋଟେଲରେ ରହୁଥିବା ଜଣାପଡ଼ିଛି।

Comments
Loading...