ଦକ୍ଷିଣ ସୁଦାନରେ ଜାତିସଂଘ ମିଶନର ମୁଖ୍ୟହେଲେ ଭାରତୀୟ ସେନା ଅଧିକାରୀ

ନୂଆଦିଲ୍ଲୀ .- ଭାରତୀୟ ସେନା ଅଧିକାରୀ ଲେଫନାଣ୍ଟ ଜେନେରାଲ ଶୈଳେଶ ତିନାକାରଙ୍କୁ ଦକ୍ଷିଣ ସୁଦାନରେ ଚାଲିଥିବା ମିଳିତ ଜାତିସଂଘର ମିଶନର ମୁଖ୍ୟ ଭାବେ ନିଯୁକ୍ତି ଦିଆଯାଇଛି । ମିଳିତ ଜାତିସଂଘର ସେକ୍ରେଟାରୀ ଜେନେରାଲ ଆଣ୍ଟାନିଓ ଗୁଟେରସ୍‌ ଏହି ନିଯୁକ୍ତି ଦେଇଛନ୍ତି । ପୂର୍ବରୁ ଲେଫନାଣ୍ଟ ଜେନେରାଲ ଶୈଳେଶ ଜାତିସଂଘର ଆଙ୍ଗୋଲା ଭେରିଫିକେସନ୍‌ ମିଶନ-୩ରେ କାର୍ଯ୍ୟ କରିଥିଲେ । ଏହା ୧୯୯୬ରୁ ୧୯୯୭ ପର୍ଯ୍ୟନ୍ତ ଚାଲିଥିଲା । ପରେ ସେ ସୁଦାନରେ ଏକ ମିଶନରେ ୨୦୦୮ରୁ ୨୦୦୯ ପର୍ଯ୍ୟନ୍ତ କାର୍ଯ୍ୟକରିଥିଲେ ।

ଏବେ ଲେଫନାଣ୍ଟ ଜେନେରାଲ ଶୈଳଶ ଇନଫାଣ୍ଟାରୀ ସ୍କୁଲର କମାଣ୍ଡାଣ୍ଟ ଅଛନ୍ତି । ଭାରତୀୟ ସେନାବାହିନୀରେ ତାଙ୍କର ୩୪ ବର୍ଷର ଅଭିଜ୍ଞତା ରହିଛି । ଲେଫନାଣ୍ଟ ଜେନେରାଲ ଶୈଳେଶ ତିନାକାର ଭାରତୀୟ ମଲିଟାରୀ ଏକାଡେମୀର ୧୯୮୩ ବ୍ୟାଚର ସେନା ଅଧିକାରୀ । ପୂର୍ବରୁ ସେ ସେନା ମୁଖ୍ୟାଳୟରେ ସେନା ଅଭିଯାନର ଅତିରିକ୍ତ ଡାଇରେକ୍ଟର ଜେନେରାଲ ଭାବେ ଦାୟୀତ୍ୱ ତୁଲାଇଥିଲେ । ଲେଫନାଣ୍ଟ ଜେନେରାଲ ଶୈଳେଶ ତିନାକାରଙ୍କୁ ତାଙ୍କ ସେବା ପାଇଁ ସେନା ମେଡାଲ ଓ ବିଶିଷ୍ଟ ସେବା ମେଡାଲ ପ୍ରଦାନ କରାଯାଇଛି ।

Comments
Loading...