ରାଞ୍ଚି: ଭାରତ ଓ ଦକ୍ଷିଣ ଆଫ୍ରିକା ବିପକ୍ଷ ତୃତୀୟ ତଥା ଅନ୍ତିମ ଟେଷ୍ଟରେ ଭାରତ ୨୦୨ ରନରେ ଦକ୍ଷିଣ ଆଫ୍ରିକାକୁ ହରାଇବାପରେ ଏହି ଟେଷ୍ଟ ସିରିଜ୍ କୁ ୩-୦ରେ ଜିତି ନେଇଛି ଭାରତ। ଦକ୍ଷିଣ ଆଫ୍ରିକା ବିପକ୍ଷରେ ଭାରତର ଏହା ପ୍ରଥମ କ୍ଲିନ ସୁଇପ। ଏହି ଟେଷ୍ଟ ସିରିଜ ବିଜୟ ପରେ ବିରାଟ କୋହଲି ପ୍ରଥମ ଭାରତୀୟ ଅଧିନାୟକ ଭାବେ ଦକ୍ଷିଣ ଆଫ୍ରିକା ବିପକ୍ଷରେ କ୍ଲିନ ସୁଇପ କରିଛନ୍ତି। ଏହାସହିତ ବିରାଟ କୋହଲି ପ୍ରଥମ ଭାରତୀୟ ଅଧିନାୟକ ଭାବେ ଦକ୍ଷିଣ ଆଫ୍ରିକାକୁ ଲଗାତର ୨ଟି ଟେଷ୍ଟରେ ଫଲୋଅନ ଦେଇ ଗୋଟିଏ ପାଳି ଏବଂ ବହୁରନ୍ ବ୍ୟବଧାନରେ ହରାଇଛନ୍ତି। ଭାରତୀୟ ଟିମର ଏହି ଧମାକାଦାର ବିଜୟ ପରେ ବିରାଟ କୋହଲି ଦଳର ସମସ୍ତ ଖେଳାଳିଙ୍କର ଖୁବ ପ୍ରଶଂସା କରିଛନ୍ତି। ମ୍ୟାଚଶେଷରେ ବିରାଟ କୋହଲି କହିଛନ୍ତିଯେ ସ୍ପିନ ବୋଲିଂ ଏବଂ ବ୍ୟାଟ୍ସମ୍ୟାନ ସର୍ବଦା ଭାରତୀୟ ଦଳର ଶକ୍ତିଶାଳୀପକ୍ଷ ରହିଆସିଛି ଏବଂ ବର୍ତ୍ତମାନ ଭାରତୀୟ ଦଳରେ ଥିବା ଯୁବ ଦୃତ ବୋଲର ମାନେ ମଧ୍ୟ ଉଚ୍ଚକୋଟିର ପଦର୍ଶନ କରୁଛନ୍ତି। ଦୃତ ବୋଲରଙ୍କ ମଧ୍ୟରେ କେବଳ ଇଶାନ୍ତ ଶର୍ମା ଟେଷ୍ଟ କ୍ରିକେଟରେ ଅନୁଭବି ହୋଇଥିବା ବେଳେ ଅନ୍ୟମାନେ ଯୁବ ବୋଲର ଅଛନ୍ତି। ଭାରତୀୟ ଖେଳାଳିମାନେ ଉଭୟ କ୍ଷେତ୍ରରକ୍ଷଣ ଏବଂ କ୍ୟାଚିଂରେ ବହୁତ ଉନ୍ନତ ପଦର୍ଶନ କରୁଛନ୍ତି ଯାହାଦ୍ୱାରା ଲାଗୁଛି ଭାରତୀୟ ଦଳର ଯୁବ ଖେଳାଳିମାନଙ୍କ ମଧ୍ୟରେ ଟେଷ୍ଟ କ୍ରିକେଟକୁ ନେଇ କମ୍ ଅନୁଭବ ରହିଥିଲେ ମଧ୍ୟ ପ୍ରଦର୍ଶନ ଦେଖିଲେ ଲାଗୁଛି ଆମେ ବିଶ୍ୱର ଯେକୌଣସି ଦଳକୁ ମଧ୍ୟ ହରାଇ ପାରିବୁ। ବିଶ୍ୱର ଏକ ନମ୍ବର ଟିମ୍ ମାନ୍ୟତା ବଜାଇ ରଖିବାକୁ ହେଲେ ଆମକୁ ସମସ୍ତ ବିଭାଗରେ ଉନ୍ନତ ପ୍ରଦର୍ଶନ ଦେଖାଇବାକୁ ପଡିବ। ଭାରତୀୟ ଦଳ ସିମିତ ଓଭର ମ୍ୟାଚ୍ ରେ ଭଲ ପ୍ରଦର୍ଶନ କରୁଛି। ଏକ ଟିମ୍ ଭାବେ ଭାରତୀୟ ଦଳର ପ୍ରଦର୍ଶନ ଉନ୍ନତ ରହିଛି ଏବଂ ଆମକୁ ଆହୁରୀ ଉନ୍ନତ ପ୍ରଦର୍ଶନ କରିବାକୁ ପଡିବ। ଭାରତୀୟ ଦଳ ଆଗକୁ ମଧ୍ୟ ଆହୁରୀ କଠିନ ପରିଶ୍ରମ କରିବ ଯାହାଦ୍ୱାରା ଆମେ ଯେକୌଣସି ପରିସ୍ଥିତିରେ ମଧ୍ୟ ସମସ୍ତ ଦଳକୁ କଡା ଟକ୍କର ଦେଇ ପାରିବୁ।
Comments are closed.